NOEL FERRER: Mukhang hands-off si Tourism Secretary Wanda Teo sa isyu ng hindi na pagkakatuloy ng “Madrid Fusion” ngayong Abril.
Ipinasa na niya ang desisyon sa Tourism and Promotions Board head Cesar Montano
para pagpasyahan ang isyu.
Tuloy ba o hindi ang big culinary exchange event na sa memorandum of agreement ay tatagal dapat ng limang taon hanggang 2019?
Bale, pang-apat na taon na dapat ito ngayong 2018.
Pero nang tanungin ulit ito, ang sagot diumano ni Cesar ay isang malaking NO. Madrid Fusion Manila 2018 is no longer pushing through.
Ang ginawang rason, ayon kay Cesar ay: "Many are of the impression the government is spending so much money promoting other cultures."
Medyo mataas man at hindi man hagip ng abot-tanaw ng iba nating mga kababayan, "Madrid Fusion" Manila played a great role in three things: (1) Putting the Philippines on the world map of culinary players; (2) putting a handful—it may just be one hand but it’s full—of Filipino chefs on the map; and (3) inspiring aspiring chefs by having their idols talk here.
Sabi nga ng maalam sa pagkain at kultura, “Madrid Fusion Manila made so much noise that it was impossible for the world to ignore. Suddenly, heads turned to Manila, wondering why Spain chose Manila over Asian culinary giants.”
Instead of Madrid Fusion, magkakaroon na lang ng Karinderya Fiesta na ilulunsad sa April 11 raw.
Ano ang masasabi niyo rito, mga Ka-Troika?
JERRY OLEA: Nakakapanghinayang.
Nakakapanlumo na ang isang makabuluhang proyekto na gaya ng Madrid Fusion ay basta na lang isinantabi.
Limang taon dapat ang franchise nito sa bayang magiliw. Ibig sabihin, may nakalaan nang budget.
Ano’t ang ikaapat na edisyon sana nito ngayong Abril ay ibinasura ng mga nakapuwesto?
Napulitika?!
Elitista kamo, at papalitan na lang ng Karinderya Congress na mas kapaki-pakinabang sa masa...
Hello?! Magkaiba sila ng level!
Paliwanag ni Chef Tatung, “Sa congress na ito, nagtitipun-tipon ang magagaling na chefs mula sa iba’t ibang bansa to share ideas and knowledge.
“Ang Madrid Fusion ay hindi tungkol sa Spanish culture. Tinawag lang itong Madrid Fusion because the congress originated there.
“Pinapalalim ng congress yung pagkakaintindi natin sa pagkain. Hindi lang tayo nag-uusap tungkol sa pagkain dahil masarap, kundi itinatanong na kung kakain tayo ng ganito, maganda ba ito para sa ating environment?
“Kaya ba nating kumain in the next 20 years with these ingredients na hindi sustainable? Tama ba ang proseso natin?
“So, yung mga chef, yung mga nagluluto, nagiging mas matalino. Hindi lang puro pabongga, pabongga, pabongga, pabongga! Di ba?
“Kundi mas intelligent, mas malalim yung thinking... na instead of just being na... sumusulat ka ng mga parang Hallmark type of writing, nagiging tula ‘yung luto mo.
“It becomes poetry. Because there is depth, there is meaning, and it has impact on society.”
Itinapon din ng mga nakapuwesto ang World Street Congress.
“Wala na! Tinanggal nila ang mga international event,” maalab pang lahad ni Chef Tatung.
“Iyong World Street Congress at Karinderya Congress, magka-level ng paradigm. Pero you cannot replace Madrid Fusion with...
“Parang filmfest ba? Hindi mo puwedeng ipaglaban ang mga... alam mo na... sa high-end art films, di ba? Iba siya!
“Not because one is better than the other, but they’re just different.”
NOEL FERRER: Heto pa ang sabi ni Chef Tatung, na isa sa mga naitampok sa mga nakaraang "Madrid Fusion," along with our best chefs na sina Gaita Fores, Claude Tayag at Myrna Segismundo, “Ang Madrid Fusion ag hindi tungkol sa mataas na sosyalan.
"Ito’y pagtitipon para magkaroon ng mas malalim na magkakaintindi sa ating pagkain at ating gawi ng pagkain."
"Madrid Fusion is a congress that deepens our understanding of our cuisine allowing local chefs to create value of their culinary heritage and local ingredients. Nagkakaroon ng halaga ang akala natin ay ordinaryo or walang halaga.
"Through the last few years we have seen more younger people going into farming and local cooks preparing traditional recipes because we finally see how wonderful it is through the eyes of the great chefs from around the world who visited us.
"The impact of this learning from the global stage has a far greater value than its investment as it will not only impact the culinary sector but agriculture and hospitality sectors, but also our environment and social well being."
I’m sure, okey naman ang Karinderya Fiesta, pero is it a case of having one over the other?
Kawawa naman at natapat pang si Buboy (Cesar Montano) ang sumalo rito, instead of the DOT Secretary Wanda Teo.
GORGY RULA: Sinubukan naming hingan ng sagot si Cesar Montano, pero ayon sa ilang taong malapit sa aktor, hindi na raw muna siya magpapa-interview sa ngayon.
Kahit yung mga napagtanungan namin ay ayaw na rin sanang palakihin pa ang isyung ito.
Pero may nagsabi sa aming wala raw legal authority si Cesar na ipa-cancel ang event na yun. Kaya ang pagkakaintindi namin, hindi niya desisyon ang di pagkatuloy ng Madrid Fusion.
Sayang at katatapos lang ng Cine Turismo ng Tourism Promotions Board, bago pumutok ang isyung ito.
Hintayin na lang siguro natin ang tamang panahong puwede nang magsalita si Cesar para sagutin ang isyung ito, pati ang ibang usaping kinasangkutan ng Department of Tourism.