JERRY OLEA: Sun. Sand. Skin.
Ingredients ang mga iyan ng Kapamilya teleseryeng Araw Gabi, na magpapainit sa early prime time simula sa Abril 30.
Sa teaser ay pwetmalu ang body double ng bidang si JM de Guzman.
Pasiklab ang halikan ni JM at ng katambal na si Barbie Imperial.
Handa ring magbilad ng katawang lupa sina Jane Oineza, RK Bagatsing, at Joshua Colet.
Ang kontrabidang si Vina Morales, nakipaglandian sa boytoy niyang ginampanan ni Victor Silayan.
“Bawal daw ang hindi magpa-sexy sa soap opera na ito!” masayang bulalas ni Vina sa presscon nitong Abril 23, Lunes, sa 9501 Restaurant, ELJCC Bldg., ABS-CBN Compound, QC.
“Napasubo kami, actually. Karamihan ng mga eksena namin... I’m on my third day sa taping namin... nakaanim na swimsuit na po ako!
“Ha! Ha! Ha! Ha! Diyos ko! May two-piece pa! Ha! Ha! Ha! Nakakahiya! Ha! Ha! Ha! Ha! Lumalaban!
“Kaya naman! Ha! Ha! Ha! Ha!”
Palaban din ang dating Ultimate ST Queen ng Seiko Films na si Rita Avila.
Hirit ni Rita, “Kinakabahan na nga ang asawa ko. Sabi niya, parang pinaghahandaan ko raw ang remake ng Katorse.
“Ha! Ha! Ha! Ha! Ha! Pag in-offer pa ito sa akin na Dose, hindi na niya kakayanin. Ha! Ha! Ha! Ha!
“Nagke-ketogenic ako. Siyempre, hindi ako magpapatalo!”
Kung alindog ang pag-uusapan, mamaniin iyan ni Ara Mina.
Arya ni Ara, “Nag-ketogenic ako, but now, I’m into intermittent fasting. Nagwo-work out din ako.
“Sabi nila, pumayat ako kahit paano. Kasi, ang requirement dito, sexy.
"Inaalala ko nga ang katawan ko sa Tanduay [calendar].
“Dapat ibalik ko ‘yon!”
(From L-R) Vina Morales, Rita Avila, and Ara Mina
Ang Araw Gabi ay hatid ng business unit na pinamumunuan ni RSB (Ruel S. Bayani), na nasa likod ng Wildflower ni Maja Salvador.
Sabi pa ni Rita, “Dahil wala nang Seiko Films... if it’s from RSB, it must be good!”
GORGY RULA: Malamang na aabangan sila ng MTRCB.
Pag mapadalhan sila ng summon to explain, mas type nila 'yan para lalong pag-usapan.
Sinasadya nila ang sexy scenes para mainit na pag-usapan.
NOEL FERRER: Ayan na ang tatak ni RSB—Cirilo Ruel S. Bayani sa totoong buhay.
In fairness, nagwawagi siya sa ganung genre at format sa timeslot before TV Patrol, ha.
In any case, bagay ito sa mainit na panahon ngayon bilang summer offering ng ABS-CBN.
It’s the concept, not just the stars.
It’s shocking TV with its own cadence and sense of camp, na sakay na sakay ng mga viewers.
Abangan natin ang kalalabasan nito next week.