GORGY RULA: Kinumpirma ng magkasintahang Paolo Contis at LJ Reyes na magkakaroon na sila ng anak.
Ngayong araw, August 27, ay ipinost ni Paolo sa kanyang Instagram account ang sonogram ni LJ pagkatapos niyang magpa-check-up at makumpirmang nagdadalantao na ito.
Nasa caption ng IG post ni Paolo, “YES WE ARE!”
“God has blessed us with the perfect gift and we couldn’t be happier! We want to thank our families and friends who are so excited as we are.”
Kasunod nito ay ang mensahe ni Paolo kay LJ na sinasabi niyang mapalad siyang nakilala niya si LJ at naging sila tatlong taon nang nakararaan.
Nagpasalamat siyang nandiyan si LJ sa lahat na mga pinagdaanan niya sa buhay, at nangako siyang makakasama siya at hindi ito mag-iisa.
Si LJ naman ay nag-post din sa kanyang Instagtam account ng kuha sa kanyang YouTube kung paano niya ipinagtapat sa anak na si Aki na magkakaroon na ito ng kapatid.
Bahagi ng mahaba niyang post: “Some 8 years ago, I was blessed to carry a child that would bring so much joy and motivation and love to my life!
"I love kids! I am very fond of them! And having to bear mine was definitely a sweet surprise!
"It wasn’t easy, The road had been very rough for me. May be some of you witnessed it, maybe many of you did not.
"All throughout the path of motherhood, I had one thing in mind.
"I want to take precious care of this little angel that God have blessed me with! Raise him as His child and pour so much love into his heart!
"I hope I did good and still do."
Naka-text ko si Paolo kanina lang at sinabi niyang 19 weeks na ang ipinagbubuntis ni LJ.
Maayos daw ang kalagayan ngayon ng aktres, at bago nila ito in-announce sa social media, ipinaalam muna nila sa kanilang magulang, sa pamilya, at sa GMA 7.
Si Aki raw ang hindi makapaniwalang buntis na si LJ dahil madalas ay pinaglalaruan niya ang tiyan ng mommy niya na kunwari may kinakausap itong baby sa loob. Hindi niya akalaing mayroon na nga itong laman.
Kung si Aki ang masusunod, gusto sana niya baby brother. Pero si LJ, mas type niya baby girl.
Katatapos lang ni LJ ng The Cure at hindi raw muna ito gagawa ng teleserye, kundi pa-guesting guesting lang muna.
JERRY OLEA: Congrats! Biyaya ito sa kanilang pamilya, at lalong magpapatibay sa pagmamahalan nina LJ at Paolo.
Mas sisipagin sa pagkayod si Paolo ngayong may bago siyang anak.
Good vibes lang!
NOEL FERRER: Every baby is a blessing and LJ and Pao are of age.
Sana ang baby na ito ang magsi-seal ng kanilang pagmamahalan bilang pamilya.
Ano kaya ang comment ng isa pang Paulo na bida ng Goyo? Abangan!