Jake Zyrus, hindi pa rin dinadalaw ang maysakit na lola sa ospital

GORGY RULA: Hanggang ngayon ay hindi pa rin nakakadalaw si Jake Zyrus o Charice Pempengco sa kanyang lolang si Tess Pineda, na nasa ICU mula pa noong Lunes, September 17.

Nag-post ang ina ni Jake na si Raquel Pempengco na sana ay makadalaw man lang ang paboritong apo ng kanyang ina. Obvious na si Jake ang tinutukoy.

Kaya nag-follow up ang PEP Troika kay Raquel ngayong Miyerkules ng umaga, September 19, kung nakadalaw na ba ang anak na singer.

Bahagi ng text sa amin ni Raquel, “So far, kahit anino ng anak ko at manager niya wala dito.”

Nabanggit ni Raquel na marami pa siyang gustong sabihin, at magpapasabi na lang siya kung kailan siya puwedeng tawagan.

Papunta siya ng hospital nung nakaka-text ko kanina. Kaya magbibigay raw siya ng panayam pagkatapos niyang ma-check ang kanyang ina sa hospital.

NOEL FERRER: Kakikita lang kay Charice, na ngayo’y Jake Zyrus, sa launch ng kanyang libro sa Book Fair noong Friday.

Marami siyang organized fans na nagpunta sa event.

Sana makuha niyang makadalaw sa maysakit niyang lola.

Mas lalong pinagpapala ang mga mababait sa nakatatanda.

JERRY OLEA: Nagkaroon man sila ng di pagkakaunawaan, dapat isantabi ni Charice aka Jake Zyrus ang kanyang hinampo.

Nawa’y maging compassionate ang apo sa kanyang lola.