NOEL FERRER: Ngayong Sabado, Nobyembre 17, magpapalitan ng marriage vows sina Christian Bautista at Kat Ramnani sa Bali, Indonesia.
Pamilya, mga piling kamag-anak at kaibigan ang naroon para saksihan ang kanilang pag-iisang dibdib.
Sa pre-wedding dinner kagabi ay namataan ang managers ni Christian sa Stages na sina Audie Gemora at Carlo Orosa, with co-talent Sam Concepcion at mga kaibigang sina Cris Villonco at Erik Santos.
Pagkatapos ng seremonya ngayon ng bandang dinner time ay magkakaroon din ng wedding party sa Pilipinas na gaganapin sa December 2 sa Manila Hotel.
Dito mas makakadalo ang kanilang godparents at iba pang mga kaibigan.
Para kina Christian at Kat, best wishes and congratulations!
JERRY OLEA: May “very special Kapamilya wedding” sa bagong yugto ng ASAP bukas sa ABS-CBN.
Pero siyempre, focus muna tayo sa “very special Kapuso wedding” nina Christian at Kat.
Cheers! Humayo kayo at magparami!
GORGY RULA: Noong huling nakatsikahan namin si Christian, may pinaghahandaan na silang bahay.
Gusto sana nila na maayos na ang bahay bago sila magka-baby.
Kung si Christian ang masusunod, gustong i-enjoy muna nila ni Kat ang kanilang pagsasama bago dumating ang kanilang mga supling.