NOEL FERRER: Hataw sa paggawa ng commercial si Miss Universe 2015 Pia Wurtzbach, kasama ang Olympian na si Hidilyn Diaz, kaugnay sa isang year-ender campaign para sa world-class achievers.
Nagmamadaling matapos si Pia dahil lilipad siya nang maaga ngayong araw, December 15, papuntang Bangkok, Thailand, para dumalo ng Miss Universe 2018 pageant.
Mula mismo sa glam team ni Pia, at maging siya, suportado nila at aminadong malaki ang tsansa nating mapanalunan ulit ang korona ngayong taong ito.
Ang impression ng mga tao ay inaral at pinerfect ni Catriona Gray ang lessons from the past pageants at ngayo’y hinog na hinog siyang manalo ng panibagong title para sa ating bayan.
Ang tanong ng pageant observers: ano kaya ang magiging epekto ng posibleng pagpanalo ni Catriona kay Pia kung sakali?
The challenge is for Pia to keep her premium even if a new queen is proclaimed.
Oh well, at least may bago na siyang dance show na ihu-host for ABS-CBN by the start of the year.
At least, that’s something to look forward to.
GORGY RULA: Magaling namang umarte si Pia, kaya puwede niyang ituloy ang showbiz career.
Magaling ding humarang ang handlers niya para hindi masagot ang isyu niya kina Gerald Anderson at Bea Alonzo.
JERRY OLEA: Maraming nagwi-wish para kay Muning (tawag kay Catriona), “May the fourth be with you!”
Hope springs eternal, kaya inaasam ng maraming Pinoy na makamit ni Muning ang korona ng Miss Universe sa ikaapat na pagkakataon.
Pero huwag tayong magbilang ng sisiw hangga’t hindi napipisa ang mga itlog.
Huwag na rin tayong umasang sasagutin ni Pia ang intrigang nagtikiman sila ni Gerald.