Vice Ganda at Regine Velasquez, magsasanib-ganda sa Valentine's Day concert

JERRY OLEA: Tatlong magkakasunod na gabi ang ReGanda concert sa Valentine 2019!

Sa Pebrero 14, 15, 16, 2019, magsasanib-ganda sina Regine Velasquez at Vice Ganda sa Araneta Coliseum.

Kagila-gilalas ang pasiklab ng dalawang unkabogable icon!

Mabibili ang tiket ng ReGanda concert simula Enero 10, 2019.

Ang halaga ng tiket ay P8,960 (Premium), P6,720 (VIP 1), P4,480 (VIP 2), P3,360 (Patron A), P2,240 (Lower Box), P1,120 (Upper Box) at P560 (General Admission).

NOEL FERRER: Makakasabay nina Vice at Regine ang redundant na title na Timeless Classics nina Martin Nievera at Lani Misalucha sa Solaire Ballroom.

Meron ding I Wish You Love si Zsa Zsa Padilla sa BGC Shangrila The Fort.

The Company at si Jamie Rivera ang magkasama sa Valentine concert sa Music Museum.

Hintayin pa natin ang mga puwedeng pagpiliang show sa Araw Ng Mga Puso.

Tiyak, patok ang mga ito!