JERRY OLEA:
Winner pa rin si Barbara Millicent Roberts sa takilya ng North America, at rumaratsada pa rin si J. Robert Oppenheimer.
Four consecutive weekends nang nangunguna sa box office ng U.S. at Canada ang Barbie, fantasy comedy film na bida sina Margot Robbie at Ryan Gosling.
Read: 'Barbie' umabot na sa $1 billion ang box-office gross worldwide
Bumalik sa pangalawang puwesto ang biographical thriller film na isinulat at dinirek ni Christopher Nolan, ang Oppenheimer, kung saan gumanap si Cillian Murphy bilang ama ng atomic bomb.
Yes, MJ “Parang School Project” Lastimosa!
WALEY pa ring nakaka-dethrone sa Barbie sa North America!
Nitong Agosto 11-13 ay humamig ng $33.8M ang Barbie sa U.S. at Canada, at pangalawa rito ang Oppenheimer with $18.8M.
Sisinghap-singhap sa ikalimang puwesto ang kao-open pa lang na The Lost Voyage of the Demeter with $6.5M. Lubog!
WORLDWIDE, heto ang “pinakamalalakas” na pelikula so far this year: The Super Mario Bros. Movie ($1.36B), Barbie ($1.19B), Guardians of the Galaxy Vol. 3 ($845M), Fast X ($705M), Spider-Man: Across the Spider-Verse ($684M); Oppenheimer ($648M), The Little Mermaid ($567M), Mission Impossible: Dead Reckoning Part One ($522M), Ant-Man and the Wasp: Quantumania ($476M), Elemental ($444M); Transformers: Rise of the Beasts ($437M), John Wick: Chapter 4 ($427M), Indiana Jones and the Dial of Destiny ($375M), Creed III ($275M), The Flash ($269M); Meg 2: The Trench ($$258M), Dungeons & Dragons: Honor Among Thieves ($208M), Insidious: The Red Door ($185M), Sound of Freedom ($173M), Scream VI ($169M).
Sa talaan ng WORLDWIDE LIFETIME Gross (hindi adjusted sa inflation), nasa ika-25 puwesto na ang Barbie.
Take note, hindi porke lampas $200M ang hinamig ng isang pelikula ay kumita na ito. Kung super-laki ang production cost nito, kahit pa lampas $200M ang hinamig nito ay malamang na lugi ito. Lotlot!
Ang mga pelikulang nag-open noong Agosto 9, Miyerkules, sa local cinemas ay Ransomed, The Queen Mary, MAMAMOO: My Con The Movie, at The Ship Show nina Heaven Peralejo at Marco Gallo.
Kasado nang mag-open bukas, Agosto 16, Miyerkules, sa local cinemas ang Blue Beetle; ang South Korean space survival drama na The Moon; Ghost Project; Hitch Hike; The Little Mermaid: Sing-Along Version; Third World Romance nina Carlo Aquino at Charlie Dizon; at Badge of Honor nina Rommel Padilla, Jeric Raval, Rayver Cruz, Empress Schuck, at Alfred Vargas.
Bukas, August 16, ang umpisa ng Ghost Month, na tatagal hanggang Setyembre 14.
Sa September 27, abang-abang tayo sa kahihinatnan ng A Very Good Girl nina Kathryn Bernardo at Dolly de Leon.
Very good kaya ang magiging performance nito sa takilya, lalo pa’t more and more ang block screenings organized by Kathryn’s supporters?
Aba! Malakas ang palakpakan nang ipalabas ang trailer ng A Very Good Girl bago mag-screening ang Third World Romance noong Sabado night sa PICC bilang closing film ng Cinemalaya XIX: ilumiNasyon.
Magandang pahiwatig na pinarangalan si Dolly last Sunday bilang best supporting actress ng Cinemalaya 2023 filmfest para sa animated film na Iti Mapukpukaw.
Read: Dolly de Leon, aminadong nagkamali sa speech niya sa Cinemalaya 2023 awards night
Nasa cast din ng A Very Good Girl sina Angel Aquino, Donna Cariaga, Chie Filomeno, Gillian Vicencio, Jake Ejercito, Ana Abad Santos, Kaori Oinuma, Althea Ruedas, Nathania Guerrero, at Nour Hooshmand.
NOEL FERRER:
Talaga, may Rayver Cruz na naman na ipapalabas sa sinehan with Alfred Vargas? Did this project come ahead of their The Cheating Game and Pieta?
Sana, makatulong ito sa pagsulong ng kani-kanyang career if ever.
Ang Star Cinema ang magpapasigla muli ng pelikulang lokal with Third World Romance of Carlo Aquino and Charlie Dizon and its 30th Anniversary Offering… A Very Good Girl with Kathryn and Dolly. Sana, hindi maapektuhan ang takilya ng Ghost Month which will start tomorrow.
GORGY RULA:
Inabot ng pandemic itong pelikulang Badge of Honor, kaya bukas pa lang nila ito isu-showing sa mga sinehan.
Kuwento ito ng limang pulis na gagampanan nina Alfred Vargas, Rayver Cruz, Rommel Padilla, Empress Schuck, at Jeric Raval.
Ang direktor ay si Neal “Buboy” Tan, na nagdirek ng Bingwit, Taong Grasa, 40 Days, Manipula, OFW: The Movie, at Ataul For Rent.
Malayo raw itong Badge of Honor sa kuwento ng sikat na pulis na si Cardo Dalisay ng FPJ’s Ang Probinsyano.
Suportado ng mga kapulisan ang pelikulang ito na nagkaroon ng premiere night nung Lunes, August 14, sa Cinema 2 ng SM Megamall.
Dumalo mismo ang director of National Capital Region Police Office (NCRPO) na si Brig. General Jose Melencio Nartatez Jr., at in-endorse din ni PNP Chief PGen. Benjamin C. Acorda.
Sa gitna ng mga isyu ng ating mga kapulisan, naniniwala silang marami pa rin sa ating mga pulis na dapat bigyang-pugay sa serbisyong ibinigay nila sa atin.
Sabi ni Alfred, na maaga pa lang ay nasa premiere night na, “Marami tayong mabubuti at saka mala-bayaning mga pulis pa rin. Kasi kahit ako, personally, I know them.
"Siyempre, hindi natin maiiwasan na may mga ganung circumstances. Pero I still believe in our Armed Forces, I still believe in their motto na serve and protect.
"Though not perfect, pero ako ang masasabi ko ano, we can still find on the best and the good policemen dito sa ating surface."