JERRY OLEA
Magdyowa sina Concha (Charo Santos-Concio) at Catherine (Boots Anson Roa-Rodrigo) sa pelikulang Until She Remembers, na isinulat at idinirek ni Brillante Mendoza.
“Ang nakakatuwa, nag-uusap sila before bago pa itong project na ito,” pagtatapat ni Direk Brillante noong Disyembre 22, 2025 sa The Secret Garden, Busilak St., Mandaluyong City.
“Ikinuwento lang nila sa akin. Nag-uusap sila, ‘Sana, magsama tayo sa future,’ ganyan-ganyan.
“Kasi nga, palagi silang nag-uusap dahil sa Mowelfund, kung sino ang magagandang anu-ano. Di ba, kinukuha nga si Charo sa government? Ewan kung anong posisyon ang ino-offer, ganyan-ganyan.
“Anyway, ang kanilang wish, na magsama sa film — sana, may lesbian relationship.
“Iyon ang kanilang wish. Iyon ang kanilang dream. Dream role.
“Kaya noong in-offer ko sa kanila, lukang-luka sila! Hindi sila makapaniwala.”
Read: PEP Troika’s Choice: Most Noteworthy Films of 2025
CHARO AND BOOTS AS LESBIAN COUPLE
Paano niya naisip na pagsamahin sina Charo at Boots sa isang pelikula tungkol sa dalawang queer woman na umibig sa isa’t isa?
“Meron akong ipinangako kay Ma’am Boots, at meron akong ipinangako kay Ma’am Charo na hindi naman natuloy na mga projects,” tugon ng multi-awarded director.
“And then naisip ko sila for this project. Mahaba kasi ang bakasyon ko sa Portugal last September after doing a master class.
“At nag-message sa akin si Ma’am Boots, bigla kong naalala yung project na ito. ‘Teka! Sandali, dito ko na nga gagawin yan!’ So, ginawa ko na iyan sa Portugal.
“Habang nandodoon ako, nag-pitch ako kay Ma’am Charo, gustung-gusto niya. Nag-pitch ako kay Ma’am Boots. May casting na ako.
“Kay Angel [Aquino], sinabihan ko na siya. Wala pa noon si Barbie [Forteza], yung mga veterans muna. Ganun nag-umpisa.
“May inspiration ako dito sa real life. About Alzheimer’s disease, about yung lesbian couple.
"Of course yung relationship ng mga may edad, not necessarily yung lesbian. But the meaning of love.”
Post-Valentine offering ang Until She Remembers, na mapapanood sa mga sinehan umpisa Pebrero 26, 2026, Miyerkules.
Kasama rin sa cast nito sina Vince Rillon, Eric Quizon, Albert Martinez, Erlinda Villalobos, Perla Bautista, at Carlitos Siguion-Reyna.
Handog ito ng Solar Pictures at Centerstage Productions.
Read: PEP Troika's Choice: Most Noteworthy Lead Performances of 2025
GORGY RULA
Sinabihan daw ni Direk Brillante Mendoza ang 80-anyos na si Boots Anson Roa-Rodrigo at 70-anyos na si Charo Santos-Concio, “‘Kailangan ko kayo from this day to this day.’ Parang ten days lang sa October ang hiningi ko sa kanila.
“Of course, sabi ko, ‘Hindi kayo magsu-shoot ng ten days. Pero anytime on those days, dapat available kayo.’ Available sila.”
Excited daw sina Charo at Boots sa Until She Remembers, kung saan bida rin si Barbie Forteza.
Pagdedetalye pa ni Direk Brillante: “Noong pinitch ko sa kanila, parang hindi sila makapaniwala. Kasi before this project, nag-uusap pala sila as friends sa industry.
“Palagi silang nag-uusap. Ang palagi nilang pinag-uusapan was parang, ‘Sana magka-project tayong dalawa pero sana huwag yung typical nanay, tita,’ ganyan. ‘Sana, merong lesbian relationship!’ sabi nila.
“Silang dalawa, nag-uusap. Parang ganun ang utak nila na, ‘Sayang naman kung magsama tayo, tapos magkumare lang or whatever,’ ganyan-ganyan.
“‘Sana, may relationship, lesbian. Wala pang ganun.’
“So, siguro narinig ko yung kanilang manifestation. Ha! Ha! Ha! Ha! Nag-manifest. O, ayun, nung in-offer ko sa kanila — more than willing, more than welcome.
“Kasi, nasa utak na nila iyan before pa. Nandodoon na. Kaya they were very happy.”
Read: PEP Troika's Choice: Best Performances in Supporting Roles of 2025
NOEL FERRER
Naghubad noon si Gina Pareño sa isang pelikulang idinirek ni Brillante Mendoza.
Si Maria Isabel Lopez, anytime ay handang maghubad sa pelikula helmed by Direk Brillante.
COMPROMISE ON SHOWER SCENE
Sa Until She Remembers ay may eksenang pinaliguan ni Charo Santos-Concio si Boots Anson Roa-Rodrigo.
“Doon ako nag-compromise,” sabi ni Direk Brillante.
“Kasi, dapat nakahubad yun… sinabi naman niya [Boots] na connected sila sa Catholic Bishop Conference of the Philippines, meron silang kuwan.
“Di ba, nung nandito ang Papa, binasbasan sila? Silang mag-asawa, yung family nila. So, medyo may pagka-conservative.”
Laking sakripisyo rin ni Tita Boots sa project na ito dahil she had to let go of her being the Selection Committee head of the MMFF dahil isinubmit itong pelikulang ito for consideration, pero siguro’y pam-post Valentine’s Day ito nakatakda.
Kaabang-abang talaga kasi ito.
Parang todo na ito — ginagawa na ng dalawang senior citizens ang kanilang passion projects.
Sana ma-appreciate at suportahan ito ng mga manonood na Pilipino.