JERRY OLEA
Masaya ang Regal executive producer na si Miss Roselle Monteverde sa sinapit ng entry nilang My Future You sa 50th Metro Manila Film Festival (MMFF).
Nagkamit ng apat na tropeyo sa MMFF Gabi ng Parangal ang unang movie na pinagbidahan ng FranSeth tandem nina Francine Diaz at Seth Fedelin.
Wagi itong 3rd best picture, best director (Crisanto Aquino, katabla si Mike Tuviera ng The Kingdom), best editing (Vanessa Ubas de Leon), at breakthrough performance (Seth Fedelin).
Read: Dennis Trillo, Judy Ann Santos lead MMFF 2024 Gabi ng Parangal
Kumita ba ang Regal sa My Future You?
“OK naman kami dun. Because with that production, we were able to… siyempre happy kami na nanalo ng awards,” tugon ni Miss Roselle nang makatsikahan ng PEP Troika nitong Pebrero 17, 2025, Lunes, sa Valencia Events Place, Quezon City.
“The run was OK. And then, hindi rin naman siya parang… It speaks for itself. Yung pelikula is very sincere sa pag-deliver ng something that, you know, magandang istorya, good narrative, good acting, good directing.
“So, hindi naman kami napahiya dun.
"Hindi lang naman cinemas ang aming puntahan. Meron namang ibang platforms."
May mga nagreklamo sa resulta ng MMFF 2024 Awards. May mga nagalit. May mga nagparunggitan.
Napabuntong-hininga si Miss Roselle, “Hindi mo naman maiwasan yon. Di ba, lagi namang may ganyan, even before?
"Kahit mga Mano Po namin, or yung Yamashita: The Tiger’s Treasure [2001]…
“Naalala ko nga nun, kahit manalo kami ng best picture or whatever, andami rin talagang hindi masaya. Ganun talaga.”
Read: MMFF 2024 awards results stay, kahit maraming kuda at hanash
FOLLOW-UP MOVIE FOR FRANSETH
Kinumpirma ni Miss Roselle na lilipad pa-U.S. ang FranSeth tandem para sa 2nd edition ng Manila International Film Festival sa Marso 4-7, 2025 sa California.
May follow-up movie ba ang FranSeth sa Regal Entertainment?
“May pinaplano kami, and then baka hindi sila magsama. Iba kasi yung ano namin, e, yung pelikula,” sambit ni Miss Roselle.
“It’s not concentrated sa loveteam nila, but more sa pagiging artists nila. Puwede pa rin namang bumalik sa movie ang loveteam nila.
“Kaya lang, parang ayokong i-miss yung opportunity for bigger plans, di ba? Kasi not necessarily they need to be together, I mean, kung papayag sila.”
Read: My Future You, hindi una at huling pelikula ng FranSeth sa Regal
Ang susunod na handog ng Regal ay ang eco-horror na The Caretakers, kung saan ka-joint venture nila ang Rein Entertainment.
Ang pelikulang bida sina Iza Calzado at Dimples Romana, ipalalabas na sa local cinemas sa Pebrero 26.
Iyong horror movie ni Jodi Sta. Maria ay nakatakda namang ipalabas sa Abril 30.
Read: Dimples Romana at Iza Calzado, magpapasiklab sa The Caretakers
NOEL FERRER
May syinuting din si Direk Jose Javier Reyes na horror movie para sa Regal, iyong Paramdam, kung saan bida sina Jane Oineza at RK Bagatsing.
Hindi pa tapos ang post-production nito.
“Sobrang busy din naman kasi ni Direk Joey sa FDCP niya,” sabi ni Miss Roselle Monteverde.
“Which I think, he’s really fit for that job, for that position as chair ng FDCP. So, hindi namin pine-pressure si Direk Joey na tapusin na ang post prod.”
Si Direk Joey ang kasalukuyang chairperson ng Film Development Council of the Philippines.
UPCOMING REGAL PROJECTS
Anu-ano ang iba pang projects na ikinakasa ng Regal?
“Meron kami, mga surprises na mga pelikula.”
Buti at tuluy-tuloy sa pagpo-produce ng pelikula ang Regal kahit matamlay ang resulta sa takilya ng karamihan sa Pinoy movies?
Katuwiran ni Miss Roselle: “Kasi you know the parameters, e. You know the limitations. We do our best na lang. May mga paraan yan, e.
“May mga paraan talaga yan. Like Love Child, we’re happy with Love Child, di ba?
"Ipinalabas siya sa Cinemalaya, nag-theatrical release, then kinuha ng streaming platform. We’re happy.”
Read: Jane Oineza at RK Bagatsing, strong contenders sa Cinemalaya
Sinu-sino ang gusto nilang magbida sa future Regal projects?
Type ba nilang gawan ng movie ang SB19? Ang BINI? Sina Maris Racal at Anthony Jennings? Si Dylan Menor?
“Basta may mga surprises kami,” sambit ni Miss Roselle.
GORGY RULA
May mga movie producer na umaaray sa Eddie Garcia Law (EGL).
Himutok nila, lumaki ang gastos nila dahil sa nasabing batas kung saan limitado ang working hours ng mga trabahador sa industriya ng pelikula at telebisyon.
Read: President Ferdinand Marcos Jr. signs Eddie Garcia Law
Mahinahong pahayag ni Miss Roselle Monteverde: “Alam mo, may paraan yan, e. May paraan talaga yan.
“So, if you are a producer that has been there for a long time, you really know how to resolve that and be within the, you know, yung hours, di ba?
“Even before EGL pa, pina-practice na namin yun in the event na maa-approve ang EGL. Talagang implemented na namin already.
"‘Magpraktis na kayo, no?! Kayong sa production, kayo ang mahilig magsayang ng oras, e!’
“Di ba, for us producers, magtataka ka, bakit hindi pa nagro-roll? E, kanina pa kayo dun! ‘Apat na oras na kayong nandiyan, ano ang ginagawa niyo?’ Di ba?
“So it’s really the discipline, e. Na wala sila dati. Talagang ang dami nilang sayang sa oras.”
Anti-producer ba ang ELG?
“No, I don’t think so. But then kasi, marami rin naman ang problema diyan. Yung nanlalagare. So, ano yan, abuse na yan!” bulalas ni Miss Roselle.
“Di ba? Kasi most of our workers naman here, they’re freelancers. So let’s say they work today. Tomorrow meron naman silang ibang tanggap.
“So, sila na yan. Hindi lang sa artista. Cinematographer, production designer. So, andun pa rin tayo sa ganung kalakaran.”
Read: Erik Matti at Neil Daza, nagtatalo dahil sa Eddie Garcia Law