JERRY OLEA
Ipagdiriwang ni Zsa Zsa Padilla ang 42nd anniversary niya sa showbiz sa pamamagitan ng concert na Zsa Zsa: Through The Years sa Mayo 17, 2025, Sabado, sa Samsung Performing Arts Theater sa Ayala Malls Circuit Grounds, Makati City.
“Gusto ko talagang i-celebrate yung aking anniversary sa show business,” pahayag ng Divine Divine sa mediacon nitong Abril 28, Lunes, sa Mango Tree Cafe sa Greenhills Mall, San Juan City.
“Because very rare naman, di ba, na makaabot ka na medyo active ka pa in show business in 40 years.
“I think every… 50, you know, whatever, it has to be celebrated. Especially now!
“Yun nga, my last message about Hajji Alejandro was with a heavy heart really that I was writing it.
“Sabi ko, 'Bakit ganun? Parang nagsusunud-sunod naman yung mga performers, mga singers,' and nakakalungkot talaga.
“Lalo na kay Tita Pilita [Corrales], umiyak talaga ako. Kasi idol ko siya talaga, e!
“Mga idols ko when I was starting my career, I was looking up to Pilita, Celeste Legaspi, and Kuh Ledesma. Sila yung mga inidolo ko talaga.
“So... tapos when Hajji passed, nag-TNT [Tawag Ng Tanghalan] kami the other day, nakita ko si Nonoy Zuñiga. ‘Noy, healthy ka naman, ha?! Healthy ka, ha?!’ Ha! Ha! Ha! Ha!
“Tapos nakita ko si Marco Sison, ‘Marco, healthy ka, ha?!’ Ha! Ha! Ha! Ha! Ha! Natatawa rin sila. ‘Huwag ka nang mapraning!’
“Sabi ko, ‘Nakakapraning, e!’ Alam mo na, nagkasunud-sunod naman kasi din.”
Abril 12 pumanaw ang Asia’s Queen of Songs na si Pilita.
Abril 16 sumunod ang Superstar na si Nora Aunor, at Abril 21 yumao ang Kilabot ng mga Kolehiyala na si Hajji.
Related Stories:
Pagpapatuloy ng 60-anyos na si Zsa Zsa, “Ayun, lahat ng mga iniidolo natin, si Ate Guy din siyempre.
“Ang sinulat ko naman sa kanya… kasi, talagang sobrang idolo siya ng aking lola.
“Dati kasi, nung bata ako, sa bahay namin, mas preferred nung tatay ko ang basketball. Siyempre sila ang bida.
“Iisa lang ang TV set, black and white. Naku, ayoko ng palabas! Hindi ko naman maintindihan itong basketball.
“Aakyat ako sa bahay ng lola ko. We live in a small compound in San Juan. So ayun. Pag-akyat ko, sigurado yun.
“Superstar. Tama? Alam ko pa, e, Sunday, 6:00 or 7:00 o’clock ng gabi? 6:00 yata. Sunday evening, o, di ba?
“Hindi ko lang alam kung anong channel dahil iilang channel lang naman noon… 9? Yon, RPN-9. Ayan.”
Read: Vilma, Maricel, Eugene, Zsa Zsa pay homage to Superstar Nora
ZSA ZSA'S LAST MAJOR CONCERT
Ang huling major concert ni Zsa Zsa ay pre-pandemic pa.
Two years ago pa sana itong anniversary concert niya pero may pinagdaanan siyang health issues kaya ipinagpaliban, at this year natuloy.
Pahayag ni Divine Divine: “Of course, I’m going to be doing the songs that you love — 'Ikaw Lamang,' 'Kahit Na,' 'Hiram,' 'Mambobola,' 'Point of No Return,' so many others.
“And we’ll try our best through our musical director to change some of the arrangements… Basta maiiba naman at mae-enjoy nating lahat.
“And of course since it’s May, it’s gonna be Mother’s Day… of course I wanted to invite Zia [Quizon] who’s comebacking, di ba? Buti naman.
“She’s really very good and I’m so happy that she’s back and she’s also going to be recording again for Star [Music].
“And si Karylle, of course, meron din kaming song.
"And then there’s a hit now, hindi ko na sasabihin kung anong title, but it’s something that the audience I feel would love.
“It’s a remake of a song na gagawin naming tatlo for Mother’s Day.”
Read: Zsa Zsa Padilla remembers career milestones at ABS-CBN
GORGY RULA
Nag-guest sa album ni Zsa Zsa Padilla ang daughter niyang si Zia Quizon.
Kuwento ng Divine Diva: “Last year, when she was inactive yet, sabi sa akin nung producer ko, si Jonathan Manalo, ‘I really want Zia to do the back up of this one.
“Because I requested a song. ‘Ano bang gusto mong kantahin, Zsa?’ Sabi ko, ‘Gusto ko yung relatable sa mga ka-age ko.’
“Ano ba ang nangyayari sa buhay namin ngayon? Nag-e-empty nest kami. Kasi ako, lahat ng anak ko, may asawa na. Wala na sa poder mo.
“So, nakaka-miss yung ganun. Gusto ko ring i-explore yung possibility. Ano ba ang nararamdaman ng mga nag-e-empty nest na magulang?
“Ano ba ang nararamdaman ng mga anak pag umaalis din sila? Kasi you know what, we were recording the song, it’s written by Jeremy [Glinoga].
“It’s Taglish, ha? Kasi, originally, he wrote it… I think in Taglish also. Tapos si Jonathan wanted all-English.
“Sabi ko, ‘Jonathan, I feel the sentiment of the Tagalog. Can we just keep it as it is?’ He agreed naman.
“Jonathan said, ‘Gusto ko si Zia.’ Sabi ko, parang malabo. Kasi ayaw pa niyang bumalik sa showbiz.
“And then when she expressed finally that she wanted to be back, ‘Jonathan, mukhang may pag-asa na tayo! Mukhang may pag-asa na tayo, tatanungin ko si Zia, baka gusto niyang mag-record ulit.’
“And so, nag-meet sila. And then she recorded it. Pero in this version, she does back up.
“But of course when we do the concert, she’s gonna have some verses also.
“Because when I was recording it, doon ko na-realize, sabi ko, ‘Jeremy, nung sinusulat mo ba ito, naramdaman mo rin na nami-miss mo yung parents mo? Naramdaman mo rin yung papaano malayo sa magulang?’
“Sabi niya, oo. So you know, when I was recording it, actually naiyak ako. Kasi ganun din pala yung feeling ninyo. Na hindi rin ganun kadali. Di ba?
“Kasi imagine yung mga anak natin, paggising nila sa umaga, nakaplantsa na ang mga damit. Everything is ready. Andiyan na yung mga pagkain.
“Now they have to be independent, and learn how to... patakbuhin yung kanilang household by themselves. It’s not very easy.
“Pero maganda yung message ng kanta. Kasi, 'Never Be Alone.' Yun ang title niya. Kasi yun pala yon.
“You’ll never be alone because in your heart, your family is always there.”
Read: Zsa Zsa Padilla arrives in Serbia to attend daughter Zia Quizon’s wedding
NOEL FERRER
And Zsa Zsa Padilla being one of my closest friends in the entertainment industry, I am part of mounting this special Through The Years concert.
In all her years in the entertainment industry, kinilala ang husay ni Zsa Zsa from music recording to movies (muntik na siyang mag-grand slam Best Actress sa Batang PX if not for FAMAS, di ba?).
She was also recognized in Minsan Lang Kita Iibigin, Ako Legal Wife, Madrasta, Sigwa, M - Mother’s Maiden Name, to television shows (hosting and acting in comedy and drama).
At kahit sa theater, pinuri rin siya ng mga kritiko (sa Larawan with Celeste Legaspi).
And to still be here, very visible on TV and recording (she has new singles na wagi).
Plus meron pa siya farm at bed and breakfast na Casa Esperanza sa Lucban, Quezon, blessed talaga si Zsazshing, di ba?
Read: Casa Esperanza: Zsa Zsa Padilla and Conrad Onglao's resort-like second home in Lucban
Kaya naman sa concert na ito sa May, makakasama rin niya aside from her kids sina Erik Santos (first grand winner of Star In A Million that Zsa Zsa co-hosted) and her erstwhile singing partner since the ‘80s, none other than Gary Valenciano!
Nakaka-excite talaga ito!!!
At ito na, sinisigurado ko, walang lalabas ng Samsung na hindi masesenti at tataas ang balahibo, promise!
Magkita-kita tayo on May 17!
Musical director is Homer Flores and director will be Rowell Santiago na kapanabayan ni Zsa Zsa noong ‘80s din.
Tickets to Zsa Zsa: Through The Years are available online via TicketWorld.