Kasabay ng phenomenal success ng Ang Mutya ng Section E ang popularidad ng "Tibok," isa sa mga official soundtrack ng Viva One series na pinagbibidahan nina Andres Muhlach, Ashtine Olviga, at Rabin Angeles.
Ang "Tibok" ay komposisyon at inawit ni Earl Agustin.
Gumawa ng nakagugulat na kasaysayan sa Spotify Philippines Chart ang "Tibok" dahil sa 2.092 million streams nito sa loob lamang ng isang araw.
Si Earl ang kauna-unahang Filipino artist na nakapasok sa Top 50 ng global Spotify chart na patunay ng kanyang “growing international reach.”
Ang "Tibok" din ang nangunguna sa puwesto ng OPM songs sa Apple Music PH, YouTube Ph, at iTunes PH.
Read: Amiel Sol di makapaniwala sa success ng "Sa Bawat Sandali"
Hindi makapaniwala si Earl sa tagumpay na kanyang tinatamasa sa kasalukuyan.
Pahayag ng singer-composer sa entertainment press: “Sobrang surreal ng pakiramdam siyempre. Hindi ko siya ine-expect at all.
"Kasi first and foremost, hindi ko naman siya pinangarap kaya sobrang saya ng pakiramdam nung nakita ko na it’s gaining this much traction.
"Yung pinakapangarap ko lang talaga is makapaglabas ng maraming kanta and makatugtog kung saan-saan.
"When I was starting, yun talaga yung pinaka-dream."
FROM NEWS-ANCHOR DREAM TO RECORDING ARTIST
Pangarap ni Earl maging news anchor pero mas higit pa ang nangyari nang matuklasan siya ng Viva Records sa pamamagitan ng mga TikTok video niya.
Mula sa kanyang pangarap maging news anchor, naging mang-aawit si Earl.
Nagugulat daw siya sa mabibilis at maraming pangyayari sa buhay niya.
Lahad niya: “Na-scout ako last 2023 [ng Viva Records] sa TikTok content.
"Kasi last 2022, I was doing my internship. Pa-graduate na rin ako that year.
"And then, I was very active on TikTok at the time. Wala lang, tripping-tripping lang.
“Right now, mas naka-focus ako sa music career ko so... pero if there’s doors opening, why not?”
Read: Andres Muhach, recording artist na rin
THE STORY BEHIND "TIBOK"
Mula raw sa mga personal na karanasan ang insipirasyon niya sa paglikha ng mga kanta.
Saad niya: “For the songs that I write, mostly ang nagkakapit into personal experience yung songs ko, half of it.
“And the other half is, I think of share ko yung experience ko pagdating sa pag-ibig and then dun ko parang mine-merge.
“I wrote this song ["Tibok"] many many years ago, 2021 or 2022. And then, we released it on April 2023.
"The song is about the experience I had many years ago.
“Meron akong crush at that time, nag-uusap kami every day hanggang mag-subside yung situation namin noon.
"Para siyang ghosting experience. Parang ganoon yung kinalabasan ng situation na yun.
“And so I thought of writing it as a song para lang ibuhos lahat ng emotions, lahat ng feelings I had at the time.”
Ginamit ang "Tibok" bilang isa sa mga official soundtrack ng Ang Mutya ng Section E na ikinatuwa niya nang sobra.
“Super saya! Sobrang blessing for me na na-consider yung song to be on the list ng series,” reaksyon ni Earl.
Read: Andres Muhlach, tagumpay ang first solo project
NEW SONG FROM EARL
Pinaghahandaan na raw ang release ng bagong kanta ni Earl, ang "Pag-ibig ng Ikaw at Ako."
“Natutuwa rin po ako na siguro the story of the song, parang relates to some of the characters in the series.
“Hindi ako exactly sure kung paano napili ang 'Tibok.' Na-surprise po ako, 'Ay, wow, kasama pala siya sa series.
“Masaya ako na 'Tibok,' hindi na lang siya papakinggan ng casual listener, meron na rin siyang incorporation sa series.”
Read: Ashtine Olviga, kinabahan sa kissing scene nila ni Andres Muhlach