Dinagsa ng mga fans ang premiere night ng pinakabagong handog ng Star Cinema, ang pelikulang The Reunion, noong gabi ng August 14, sa SM Megamall Cinema 4.
Pinagkaguluhan ang mga bidang sina Enchong Dee, Xian Lim, Enrique Gil at Kean Cipriano, maging ang kanilang mga leading ladies na sina Jessy Mendiola, Julia Montes at Megan Young.
Nahuli namang dumating si Bangs Garcia at hindi na nakaabot sa Red Carpet.
Ilan pa sa mga artistang dumating upang ipakita ang kanilang suporta sa pelikula ay sina Janice De Belen kasama ang tatlo niyang anak, at maging ang cast ng mga Kapamilya shows na Banana Split, Love U, at Aryana.
