Nag-react din ang ilang celebrities sa personal na katanungan ni Senator Tito Sotto kay Department of Social Welfare and Development (DSWD) Secretary Judy Taguiwalo sa isinagawang pagdinig sa Commission of Appointments sa Senado, kaninang umaga, May 3.
Ang Commission of Appointments, kung saan kabilang si Sotto, ang magdedesisyon kung maipagpapatuloy ng isang presidential appointee, kagaya ni Taguiwalo, ang tungkuling iniatang dito.
Sa pagdinig para sa appointment ni Taguiwalo, tinanong siya ni Sotto tungkol sa kanyang pagiging single mother.
Pagkatapos sagutin ni Taguiwalo ang tanong ay ito ang sinabi ng senador: "In the street language, when you have children and you are single, ang tawag dun, e, 'na-ano' lang."
Ang ibig sabihin ng "na-ano" lang ay nabuntis o naanakan.
Kaugnay nito, agad na nag-trending si Sotto sa Twitter, kung saan binatikos siya ng maraming netizens.
Read: Sen. Tito Sotto draws flak over "naano lang" remark about DSWD Sec. Judy Taguiwalo
CELEBRITIES REACT. Kagaya ng maraming netizens, ilang celebrities din ang nagbigay ng kanilang opinyon tungkol sa isyung ito, sa pamamagitan ng Twitter.
Kabilang sa mga nag-tweet ay sina Lea Salonga, Janine Gutierrez, at Pokwang.
Bagamat wala silang pangalan na tinukoy, malinaw na ang kanilang mga pahayag ay may kinalaman sa sinabi ni Sotto.
Sina Lea at Janine ay parehong pinalaki ng kanilang single mothers, habang si Pokwang ay isang single mother.
Tila matindi ang galit ni Lea sa mga taong ang tingin sa single mothers ay "less than."
Sabi pa ng Pinay Broadway star, "For those that look down upon these beloved ladies, there's a special place in hell for the likes of you."
For much of my growing-up years, my mother was a single mother. I curse anyone and everyone that sees women like her as "less than."
— Lea Salonga (@MsLeaSalonga) May 3, 2017
My husband was, for much of his upbringing, raised by a single mother. I curse anyone that sees women like her as "less than."
— Lea Salonga (@MsLeaSalonga) May 3, 2017
For those that look down upon these beloved ladies, there's a special place in hell for the likes of you.
— Lea Salonga (@MsLeaSalonga) May 3, 2017
Si Janine at ang kanyang mga kapatid ay lumaki sa poder ng kanilang ina na si Lotlot de Leon, nang makipaghiwalay ang huli sa kanilang ama na si Ramon Christopher.
My respect to all the single mothers who take on the immense responsibility of successfully raising children on their own ????????????????????????????????
— Janine Gutierrez (@janinegutierrez) May 3, 2017
Pinapurihan naman ng Kapamilya comedienne na si Pokwang ang lahat ng single mothers kagaya niya:
Sa lahat ng single mom sa buong mundo,, mabuhay tayong lahat!!! Yahooo... God bless us all ?????????????????????????????????????????????? #PinagPala #moreBlessingstoUs
— marietta subong (@pokwang27) May 3, 2017
Samantala, sa kanyang tweet ay direktang binanggit ng direktor na si Antoinette Jadaone ang pangalan ni Senator Sotto:
Hay, Tito Sotto. God bless the women of the Philippines - na-ano or otherwise!
— Tonette, Tonette (@tonetjadaone) May 3, 2017
I feel sorry that Sec. Taguiwalo had to deal with this...this...never mind. Why anyone has to explain her family set up is beyond me. https://t.co/30HbqNg6ZJ
— Abi Valte (@Abi_Valte) May 3, 2017
Maging si Aiza Seguerra, dating Eat Bulaga! mainstay at ngayo'y chairman ng National Youth Commission, ay nagpakita ng suporta kay Secretary Taguiwalo.