Muling nagluluksa ang Philippine entertainment dahil sa pagpanaw ng premyadong aktor at direktor na si Ricky Davao.
Binawian ng buhay si Ricky, dahil sa cancer, sa kanyang tahanan sa Quezon City nitong Huwebes ng hapon, Mayo 1, 2025.
Siya ay 63.
Read: Ricky Davao, bakit binabalik-balikan ang teatro kahit maraming proyekto sa TV at pelikula?
Kinumpirma ng anak ni Ricky, ang aktres na si Ara Davao, ang malungkot na balita sa pamamagitan ng isang Facebook post ngayong Biyernes ng gabi, Mayo 2.
Nakasaad dito: "It is with great sadness that we announce the passing of our beloved father, Ricky Davao.
"He passed away peacefully, surrounded by his children and loved ones, after bravely facing complications related to cancer.
"For more than four decades, he dedicated his life to the craft of acting and directing. His remarkable body of work and award-winning performances have left a lasting legacy that will continue to inspire.
"Most of all he was a loving father, brother, son, and friend.
"We are deeply grateful for your prayers, love, and kind messages during this difficult time.
"Details about his memorial service will be shared soon."
Base sa impormasyong nakalap ng Philippine Entertainment Portal (PEP.ph), matagal naratay sa isang ospital sa Taguig City si Ricky dahil sa kanyang karamdaman.
Pero iniuwi siya sa kanyang tahanan ilang araw bago siya bawian ng buhay.
Alam ng malalapit kay Ricky ang kalagayan niya. Ngunit hindi nalaman ng publiko ang mga hamon sa kalusugan ng aktor dahil iginalang nila ang kahilingan nitong huwag itong isapubliko.
Si Ricky ay natakda sanang magdiwang ng ika-64 kaarawan sa Mayo 30.
Naulila ni Ricky ang tatlong anak nila ng asawa niyang si Jackie Lou Blanco na sina Kenneth, Rikki Mae, at Ara; at ang kanyang girlfriend na si Mayeth Malca Darroca.
Si Ricky, na ang tunay na pangalan ay Frederick Charles Caballes Davao, ay anak ng pumanaw na ring veteran actor na si Charlie Davao.
Kapatid naman niya ang mga artista ring sina Bing, Mylene, at Charlon Davao.
Read: Ricky Davao reveals "pinaka-award" as director
SHOWBIZ IN MOURNING AGAIN
Pumanaw si Ricky habang hindi pa natatapos ang pagdadalamhati ng Philippine showbiz dahil sa magkakasunod na pagpanaw nina Pilita Corrales (Abril 12, 2025), Nora Aunor (Abril 16, 2025), at Hajji Alejandro (Abril 21, 2025).
Related Stories:
Gaya ni Ricky, ibinurol sa Heritage Park ang mga labi nina Pilita at Nora.
Si Pilita ang ina ni Jackie Lou at biyenan ni Ricky.
Struggling actor pa lamang si Ricky nang makatrabaho niya si Nora sa Totoo Ba Ang Tsismis?, ang pelikula ng Regal Films na ipinalabas sa mga sinehan noong Marso 26, 1981.
RICKY DAVAO'S EXTENSIVE FILMOGRAPHY
Sa loob ng 47 taong karera bilang aktor ay nakagawa ng mahigit 130 pelikula at mahigit 30 teleserye si Ricky.
Sa eksklusibong panayam ng Philippine Entertainment Portal (PEP.ph) noong Oktubre 2023, ikinuwento ni Ricky na nagsimula ang kanyang showbiz career bilang miyembro ng Vicor Dancers bago siya naging ganap na aktor.
Taong 1978 nang pasukin niya ang mundo ng pag-arte sa pamamagitan ng maliit na role sa pelikulang Patayin Si... Mediavillo na pinagbidahan ni Fernando Poe Jr.
Nasundan ito ng ilan pang maliliit na roles sa Totoo Ba Ang Tsismis? (1981), Ang Babae Sa Ulog (1981), Schoolgirls (1981), Condemned (1984), Ang Padrino (1984), at Bulaklak Sa City Jail (1984).
Hanggang sa mabigyan siya ng markadong supporting roles sa mga pelikulang White Slavery (1985), Magdusa Ka (1986), Kung Aagawin Mo Ang Lahat Sa Akin (1987), Huwag Mong Buhayin Ang Bangkay (1987), at Saan Nagtatago ang Pag-ibig? (1987).
Narating niya ang leading-man status sa mga pelikulang Misis Mo, Misis Ko (1988), Natutulog Pa Ang Diyos (1988), Isusumbong Kita Sa Diyos (1988), Huwag Mong Itanong Kung Bakit (1988), at Abot Hanggang Sukdulan (1989).
Read: Ricky Davao: Mas importante ang survival kumpara sa trabaho
Inilunsad naman si Ricky bilang action star sa pelikulang Alyas Boy Life noong 1989.
Kabilang pa sa ginawa niyang action movies ay Irosin: Pagputok ng Araw, Babaha ng Dugo (1989), Eagle Squad (1989), Leon ng Maynila: P/Col. Romeo B. Maganto (1991), Takas Sa Impiyerno (1981), Patayin si Billy Zapanta – Order of Battle: Enemy No. 1 (1992), Berdugo ng Munti (1992), Magkasangga 2000 (1993), Asero (1995), at Moises Arcanghel - Sa Guhit ng Bala (1996).
Pinatunayan ni Ricky ang kanyang kalibre bilang aktor sa mga pelikulang Imortal (1989), Kahit Konting Pagtingin (1990), The Maggie dela Riva Story: God... Why Me? (1994), Ipaglaban Mo The Movie (1994), Eskapo (1995), Ang Lalaki Sa Buhay Ni Selya (1997), Bayaning 3rd World (1999), Saranggola (1999), Azucena (2000), Minsan May Isang Puso (2001), American Adobo (2001), Crying Ladies (2003), All My Life (2004), Mga Pusang Gala (2005), Dukot (2016), Kasal (2018), On The Job 2: the Missing 8 (2021), at Big Night (2022).
Naging paborito rin siyang artista sa indie o independent films na karamihan ay naging entries sa Cinemalaya.
Kabilang dito ang Nasaan Si Francis? (2006), Saan Nagtatago si Happiness? (2006), Mudraks (2006), Faces of Love (2007), Endo (2007), Tambolista (2007), Adela (2008), Boses (2008), Last Supper No. 3 (2009), Mariquina (2014), The Janitor (2014), Imbisibol (2015), Dayang Asu (2015), Paki (2016), Sa Gabing Nanahimik ang mga Kuliglig (2017), Fuccbois (2019), Metamorphosis (2019), Circa (2019), at Parole (2020).
Read: Gina Alajar, sinabihan ng "Watch and learn" si Ricky Davao nang idirek niya ang aktor
RICKY DAVAO ON TELEVISION AND THEATER
Bukod sa pelikula ay lumabas din sa maraming teleserye si Ricky.
Kabilang sa mga teleseryeng tinampukan niya sa ABS-CBN ay Mula Sa Puso, Pangako Sa 'Yo, Kay Tagal Kang Hinintay, Spirits, Vietnam Rose, at Familia Zaragoza.
Ilan naman sa mga ginawa niyang teleserye sa GMA-7 ang Captain Barbell, Lupin, Dyesebel, Darna (2009), Zorro, Kung Aagawin Mo Ang Langit, Carmela, My Faithful Husband, Poor Señorita, My Korean Jagiya, Bilangin Ang Bituin Sa Langit, The World Between Us, at Love Before Sunrise.
Nagningning din si Ricky sa teatro kung saan siya nahasa nang husto sa pag-arte.
Kabilang sa theater plays na tinampukan niya ay ang Convent-Bred (1982), Felipe de las Casas (1983), Lihis (1984), Bongbong at Kris (1987), Larawan (1997), The King and I (1999), Insiang (2003, 2007), Speaking in Tongues (2004), Art (2007), Padre Pio ng Pietrelcina (2008), EJ: Ang Pinagdaanang Buhay nina Evelio Javier at Edgar Jopson (2008), Palasyo ni Valentin (2015), at Baka Naman Hindi (2023).
Read: Ricky Davao, kinumbinse ni Lino Brocka noon na magteatro
Bukod dito ay nagbida rin si Ricky sa musical plays na DOM: Dirty Old Musical (2016) at Silver Lining (2023).
RICKY DAVAO AS DIRECTOR
Ipinamalas din ni Ricky ang kakayahan niya sa pagdidirek sa pamamagitan ng ilang episodes ng ABS-CBN drama anthology na Maalaala Mo Kaya at GMA-7 drama anthology na Magpakailanman.
Pinamahalaan din niya ang mga serye ng ABS-CBN na Oka Tokat at Ang Munting Paraiso.
Sa bakuran ng GMA-7 siya nagdirek ng sunud-sunod na teleserye: Grazilda, Kokak, Sisid, Coffee Prince, Makapiling Kang Muli, Mga Basang Sisiw, Adarna, Forever, Dading, Second Chances, Because of You, Little Nanay, Sinungaling Mong Puso, Legally Blind, Dahil Sa Pag-ibig?, Nagbabagang Luha, at Seed of Love.
Read: Ricky Davao, di maiwasang mainggit sa mga artistang idinidirek niya
Kabilang sa mga huling proyektong ginawa ni Ricky bilang aktor ay ang Amazon Prime series na Cattleya Killer (2023), ang musical na Silver Lining (2023), ang mga pelikulang Sosyal Climbers (2025) at Sinagtala (2025), at ang hindi pa naipalalabas na Kapuso telefantasya na Encantadia Chronicles: Sang'gres.
