Lumipad patungong Los Angeles, California ang actor-director na si David Chua noong December 20, 2022.
Habang abala ang lahat sa paghahanda sa Pasko, sumaglit si David sa Amerika para sa isang maiksing bakasyon.
Pero ayon sa isang source, baka daw may nilulutong proyekto sa Hollywood si David.
Nitong November 2022 lamang, nasa Singapore naman ito para sa tourism-related shoots para sa Rated Korina.
Habang nasa Singapore, nakipagkita sita sa actress-comedienne at FLY Entertainment founder at CEO na si Irene Ang.
Si Irene ay tinaguriang isa sa Singapore's most influential talent agents.
Dati siyang manager ni Henry Golding, na mas nakilala dahil sa kanyang role sa 2018 romcom-drama film, Crazy Rich Asians.
Maayos daw ang naging meeting ni David at Irene at nais ng huli na mag-stay muna siya ng tatlong buwan sa Singapore pero tinanggihan daw niya ito dahil sa dami ng trabaho niya sa Maynila.
Sabi niya sa isang panayam, "But she also told me that there are lots of opportunities in Hong Kong and Taiwan, and she felt that she could easily make a pitch for me there because of my chinito looks. She even told me I looked like Jerry Yan, a.k.a. Dao Ming Si.”
Maimpluwensiya din daw sa Hollywood si Irene kaya naman may paparating daw silang collaboration.
Dagdag niya, "In fact, we even talked about collaborating on an online casting app that could be the big break that a lot of talented and deserving Filipino actors need to get set foot in Hollywood."
Kamakailan lamang ay naging laman ng balita si David dahil kumalat ang mga larawan nila ni Cristine Reyes na magkasama sa unang gabi ng LANY concert sa Mall of Asia Arena noong November 11, 2022.
Parehong single ang dalawa.
Pero pinabulaanan ni David na dating sila at nilinaw na malapit lamang na kaibigan niya si Cristine.
Read: Romance brewing? Cristine Reyes, David Chua spotted together at LANY concert
Si David ay abala bilang direktor ng Good Will, isang teleserye sa Net25.
Bukod sa pagiging aktor, mas nakatuon din ang pansin ngayon ni David sa pagdidirek kung saan siya ang tumitimon sa Rated Korina ni Korina Sanchez.