Ipinagdiwang ng TV Patrol ang ika-35 anibersaryo nito kahapon, March 2, 2022.
Ito ang flagship newscast program ng ABS-CBN, ang pinakamalaking TV station noon sa bansa. Nagsimulang umere ang programa noong 1997.
Sa pamamagitan ng Instagram, nagbigay-pugay ang broadcast journalist na si Karen Davila sa news program ng Kapamilya network.
Ayon kay Karen, labing-anim na taon lamang siya nang magsimulang umere ang TV Patrol at ngayon ay bahagi na siya nito.
Mensahe niya: “35 YEARS of #TVPatrol [PH] #OnThisDay, March 2, 1987 was the pilot broadcast of what was to be the Philippines’ most iconic newscast.
“I was only 16 years old when TVPatrol first aired on ABSCBN and now, 35 years later, I am here anchoring the newscast.”
Naging parte si Karen ng programa nang lumipat siya mula GMA-7 papuntang ABS-CBN noong 2004.
Anim na taon siyang naging anchor sa nag-ibang bihis na TV Patrol World.
Nakabalik bilang regular anchor ng programa si Karen noong November 2021 bilang kapalit ni Noli de Castro, na dapat ay tatakbong senador para sa May 2022 elections.
Saad niya, “I first co-anchored TV Patrol 2004-2010 but it has become more meaningful to be with the program at this time in ABSCBN’s history.
“Ano man ang mangyari, itinuturing kong isang malaking karangalan na maging bahagi ng programang ito at ng ABSCBN News.
“Always, in the service of the Filipino [PH] Salamat sa love guys! Sa hirap at ginhawa nandyan kayo.”
View this post on Instagram
Ang TV Patrol ang huling programa ng ABS-CBN na umere bago tuluyang magpaalam sa ere ang Kapamilya network noong May 5, 2020 dahil sa kawalan ng prangkisa.
Napaso ang 25-year franchise ng ABS-CBN noong May 4, 2020.
Tuluyang ibinasura ng Kongreso ang franchise renewal application ng ABS-CBN nong July 10, 2022.
Sa kasalukuyan, napapanood ang TV Patrol sa Kapamilya Channel, ANC, TeleRadyo, at A2Z; online sa pamamagitan ng ABS-CBN News website, Facebook, iWantTFC, TFC IPTV, at Kapamilya Online Live. Umeere rin ito internationally sa pamamagitan ng The Filipino Channel.