Inanunsiyo ng mag-asawang Luis Manzano at Jessy Mendiola na malapit na silang maging magulang sa pamamagitan ng video na inilabas sa YouTube channel ng 29-year-old actress ngayong Huwebes ng gabi, August 11, 2022.
Ito ang kumpirmasyon ng pagbubuntis ni Jessy dahil ibinahagi niya ang larawan ng sonogram, na ebidensiya magiging ganap na siyang ina, at ang mga litratong nagpapakita sa kanyang baby bump.
“Ang dami kong memorable moments with Lu but this one, siguro this is the best,” ang isa sa mga linya ni Jessy sa video, na nagpakita rin sa buong pagmamahal na paghalik ni Luis sa kanyang tiyan.
Bumuhos ang pagbati sa mag-asawa, kahit hindi pa nila ibinibigay ang kumpletong detalye ng pagbubuntis ni Jessy na tiyak mapapanood sa mga susunod na episodes ng kanilang YouTube channel.
Ikinasal sina Luis at Jessy sa isang pribadong seremonya sa The Farm sa San Benito, Lipa City, noong February 21, 2021.
Read: Surprise!!! Luis Manzano and Jessy Mendiola marry in secret on February 21, 2021
Ang pagbubuntis ng aktres ang katuparan ng kanyang sinabi noong plano nilang magkaroon ng anak ngayong 2022 at babae ang kanilang nais maging panganay.