Naging youngest bar passer sa California ng Estados Unidos ang isang binatang edad labimpitong anyos.
Seventeen years old!
History-maker din ang binata dahil nakapasa siya sa first take pa lamang ng napakahirap na bar exam, ulat ng CNN noong December 2023.
Kumuha ng California Bar Exam si Peter Park noong July 2023; pagsapit ng November, lumabas ang results na nakapasa siya.
Noon ay 17 years old lamang si Peter. Batay sa kanyang LinkedIn, criminal law ang kanyang specialization.
Sabi mismo ni Peter sa kanyang LinkedIn: "I am the youngest person in history to pass the California Bar Exam. I am the youngest attorney in the history of California."
Sa pagpasa ni Peter sa bar exam, posible pang maituring si Peter na isa sa mga pinakabatang bar passers at abogado sa buong mundo.
Read: Jozef Maynard Erece, lawyer at age 18; one of the youngest lawyers in the world
Kabilang si Peter sa 196,000 active attorneys sa Golden State, ayon sa State Bar of California.
Lumalabas sa 2022 demographic na 31 years old ang average age ng aspiring attorneys na kumukuha ng state bar.
Sa edad na 13 anyos, sinimulan na ni Peter ang pag-pursue ng legal career.
Read: Fil-Am content creator mourns passing of Grandma, the star of his videos
Taong 2019, nag-enroll si Peter sa high school sa Cypress, California, kasabay ng pagkuha ng four-year Juris Doctor program sa Northwestern California University School of Law, ayon sa Tulare County District Attorney’s Office.
Sa California state bar rule, allowed ang sinumang estudyante mag-apply sa law school basta makumpleto ang College Level Examination Program ng College Board, saad ng district attorney’s office.
Pagkapasa sa bar ni Peter noong November 2023, nag-celebrate siya ng kanyang 18th birthday makalipas ng ilang linggo.
Nag-graduate si Peter sa high school noong 2021 matapos niyang mag-take ng California High School Proficiency Exam. Pagkatapos ay tumuloy na siya sa law school. Nag-graduate siya noong 2023.
Naging law clerk siya sa Tulare County District Attorney noong August 2023.
Nanumpa siya bilang practicing California attorney noong December 5, 2023.
“We are remarkably proud of Mr. Park’s accomplishment, that cannot be overstated. We are excited for that drive and determination to be used on behalf of victims and their families here in Tulare County,” sabi sa isang statement ni Tim Ward, ang county District Attorney.
Via social media, binati ng State Bar of California si Peter at hinangad na ito ng “tremendous success as he embarks on his promising legal career.”
Nagtatrabaho ngayon si Peter bilang deputy district attorney at sumasailalim sa prosecutor training sa Tulare County District Attorney’s Office, ayon sa kanyang LinkedIn page.
“I aspire to become a prosecutor because I am driven by a moral obligation to uphold liberty, equality and justice in society,” ani Park sa isang pahayag.
“I admire how prosecutors keep our community safe and bring closure to victims.”