May interesting anecdote si Alden Richards tungkol sa Louis Vuitton standing collar jacket na suot niya sa GMA Gala 2023 na ginaganap sa Marriott Hotel, Pasay City, nitong Sabado ng gabi, July 22.
Read: Beauty and fashion standouts at GMA Gala 2023
Ibinahagi ni Alden na nanggaling pa mula sa Zimbabwe, Africa, ang kanyang damit dahil hindi na ito mabibili sa Louis Vuitton stores sa US, Dubai, Paris, Japan, at Hong Kong.
Kuwento ni Alden sa red carpet ng GMA Gala 2023, “This is Louis Vuitton. Medyo mahirap yung naging sourcing niya.
"Si Mel, my stylist, wanted to do something different for tonight para medyo bali dun sa last year.
“Ako naman, wala naman akong arte sa damit. Kung ano lang yung ipasuot, laban na, so that’s what happened. Nabuo ko itong ensemble na ito.
“When they sourced this, wala sa Hong Kong, wala sa Japan, Paris, US, Dubai so all the areas, hinanapan ni Mel.
“We only found it sa Zimbabwe, Africa, so dun namin siya nabingwit. It had to fly from Africa, to London, London to Hong Kong, Hong Kong to here.
"Minsan lang ito, e!”
Ang kasuotan ni Alden ay nagkakahalaga ng US$4,528 o PHP247,817.44 sa Philippine currency, base sa impormasyong nakalagay sa Louis Vuitton website.
Samantala, ang haute couture house na Maison Schiaparelli na may headquarter sa Paris, France, ang gumawa ng fully embroidered with molded leather metal at matching molded leather bra beige dress ni Heart Evangelista.
Kung nanggaling pa sa Zimbabwe ang damit ni Alden, ikinuwento naman ni Heart na limang buwang ginawa ang kanyang agaw-pansing kasuotan.
“It’s a couture piece from Schiaparelli and it took five months to make.
"So I was hoping na talagang sana, hindi magbago yung theme o bumagay siya sa theme.
"Kasi bahala na, susuotin ko pa rin siya kahit hindi siya yung theme. Mag-a-adjust ako,” ani Heart, na kasamang dumalo sa GMA Gala ang kanyang asawang si Senator Chiz Escudero.
Read: Power couples, picture-perfect pairs at GMA Gala 2023
Incidentally, sina Alden at Heart at itinanghal na Male and Female Sparkle Star of the Night. j