Ligtas ba ang pag-inom nang sobra-sobrang coconut water? Puwede ba itong gawing substitute sa tubig?
Sa Hollywood, naging tanyag dati ang coconut water dahil napaulat na paboritong inumin ito ng mga sikat na celebrities, gaya nina Madonna, Gwyneth Paltrow, Courteney Cox, Demi Moore, and Matthew McConaughey.
Ang isang tropical country tulad ng Pilipinas ay sagana sa buko.
Pero gaano ba karaming buko juice ang dapat inumin? Masama ba ito sa katawan kapag nasobrahan?
Read: CHECK THIS OUT: The interesting purpose of hair-like fiber in mussels
nUTRIENTS IN COCONUT WATER
Kung nagsasawa ka na sa tubig at naghahangad ng drink na merong lasa pero hindi masama sa katawan, di hamak na mas healthy ang coconut water kesa sa soft drink, juice, soda, at sports drink dahil mataas ang mga ito sa sugar content.
Sa katunayan, ang coconut water ay nagtataglay ng mga nutrients para malabanan ang dehydration.
“Coconut water is the clear liquid found in immature coconuts,” ani Erin Palinsky-Wade, isang registered dietitian na nakapanayam ng TODAY.com para sa artikulong inilabas noong March 20, 2025.
“This liquid is rich in electrolytes, such as potassium and magnesium and also provides a source of carbohydrates.”
Pero sa kabila ng positibong dulot nito, hindi inirerekomenda ng mga eksperto na gawin itong substitute sa tubig.
Paliwanag ni Palinksy-Wade, ang coconut water ay nagtataglay pa rin ng “naturally occurring sugars and carbohydrates” na maaaring maging source ng calories kung ito lang ang tanging liquid na iinumin sa araw-araw.
Kaya ang payo ni Natalie Rizzo, isang registered dietitian, inumin ang coconut water in moderation.
Gaano ba karaming coconut water ang safe inumin on a daily basis?
Ang rekomendasyon ng mga experts ay i-limit sa one to two cups kada araw ang coconut water upang hindi masobrahan ng electrolytes at minerals na maaaring makasama sa katawan.
Sa report ng TODAY.com, inilista ang nutritional content ng isang basong coconut water.
- 44 calories
- 10.4 grams of carbohydrates
- '9.6 grams of sugar
- 404 micrograms of potassium
- 14.7 micrograms of magnesium
- 17.2 micrograms of calcium
Sabi ni Rizzo, ang coconut water ay "excellent source of vitamin C” pati na rin ng potassium.
Ang 10 grams ng naturally occurring sugar mula sa isang basong coconut water ay di hamak na mas mababa kumpara sa sugar na makukuha sa ibang drinks tulad ng soft drink o sports drink.
Gayunpaman, may impact pa rin ito sa blood sugar kaya mainam ang pag-inom in moderation.
Sabi ni Rizzo, kung gagawin itong replacement sa sports drink, makukuha ang kailangang electrolytes with less sugar.
Pero kung iinumin ang coconut water araw-araw, tataas ang overall sugar intake.
Read: Tips kung ano ang dapat at di dapat kainin, inumin sa tag-init
THE PROS AND CONS
Sabi naman ni Palinsky-Wade, effective hydration aid ang coconut water dahil sa taglay nitong fluid at electrolytes.
Iginiit din niyang mainam na natural alternative ito kumpara sa standard sports drink.
Ayon sa mga studies, mas effective ma-rehydrate ang katawan kapag uminom ng buko habang at pagkatapos mag-work out.
Nagtataglay rin ito ng maraming antioxidants para labanan ang inflammation at cell damage.
Dagdag ni Palinsky-Wade, nakakatulong ang coconut water bilang pangontra sa pamumuo ng kidney stones.
Peo ipinaalala niyang kumonsulta muna sa physician ang mga taong may kidney stones at nais uminom ng coconut water.
Pagdating naman sa cons, mas mataas ang sugar at calorie content ng coconut water kumpara sa tubig.
Hindi rin daw magandang maya't-maya ang pag-inom nito dahil maaaring mauwi sa electrolyte imbalance.
Kapag nasobrahan ng potassium ay maaaring magdulot ng hyperkalemia na puwedeng mauwi sa panghihina ng muscles at maapektuhan ang puso, kaya’t hindi ito inirerekomenda ni Palinsky-Wade sa mga taong may mataas na level ng potassium.