Inaabisuhan ang customers na asahan ang “uninterrupted” supplies ng ilang kilalang brands ng sauces and condiments sa market, ayon sa executive ng isang local multinational food processing company.
Naisama kasi sila sa import alert list ng U.S. Food and Drug Administration (USFDA) noong 2024.
Kabilang sa listahan ang ilang brands ng sawsawan dahil umano sa posibilidad na mayroon silang “unsafe food additives."
Ilan sa condiments and sauces na ito ay popular at tinatangkilik ng Filipino customers, tulad ng Jufran Banana Ketchup at UFC Banana Catsup, at ang Mang Tomas All-Purpose Sauce.
Pawang mga produkto ito ng NutriAsia Inc.
Napabilang din sa listahan noon ang bagoong alamang.
Ito ang naging dahilan kung bakit naging mahirap hanapin at nawala sa display racks ang mga produktong ito, hindi lamang dito sa Pilipinas, kundi pati na rin sa Asian at Filipino groceries abroad, partikular sa U.S.
Read: Synthetic dye in food, beverages linked to cancer; banned in US
MANG TOMAS, JUFRAN, UFC OUT OF THE IMPORT ALERT LIST
Maaaring matanggal ang mga produkto sa USFDA import alert list kapag sila ay na-reformulate para ma-meet ang safety standards.
Ito ang naging solusyon ng NutriAsia.
“We followed the process and provided the documentation required to properly evaluate the actions we have taken to comply with the standards,” hayag sa statement ni Mario Mendoza, NutriAsia new business development and international business head.
“With the removal of our products from the red list, consumers who may have missed our products in the past months can now look forward to uninterrupted supplies moving forward,” dagdag niya.
Ayon sa NutriAsia, na-secure na nila ang approval ng USFDA para tanggalin ang kanilang mga produkto sa import alert list dahil pumasa na ang mga ito sa criteria ng USFDA, at hindi na subjected to “detention without physical examination (DPWE).”
“We are very happy with the approval of our petition. I am sure that our Kababayans and the American consumers who have felt the absence of their beloved NutriAsia products are very happy as well,” ayon sa pahayag ni NutriAsia President and Chief Operations Officer Angie Flaminiano sa ipinadalang statement sa GMA News Online.
Naramdaman ng mga Pinoy sa U.S. ang pagkawala sa grocery stores ng mga kilalang kitchen staples simula noong last quarter ng 2024.
Nag-isyu ang USFDA ng Import Alert 99-45, na naging dahilan para ma-ban ang mga naturang Filipino sauces and condiments.
Binanggit noon ang mga “unsafe food additives,” gaya ng potassium iodate, preservatives na sodium benzoate, at tert-butylhydroquinone o TBHQ.