Masakit para sa aktres at Quezon City councilor na si Aiko Melendez na magdiriwang siya ng Mother's Day sa Linggo, May 14, 2023, na hindi kasama ang kanyang pamilya.
Ito'y matapos niyang magpositibo sa COVID-19.
Nitong Huwebes, May 11, 2023, nag-post sa Instagram si Aiko para ipaalam na kasalukuyan siyang naka-quarantine para magpagaling.
Kalakip ng kanyang post ang litrato niyang may hawak na COVID-19 testing kit.
Mababasa sa kanyang post (published as is), "Apologies to everyone, especially to my constituents in dist 5 QC. for I won't be able to attend to invitations and activities for the next few days.
"I have just tested positive for COVID today, Thursday, May 11, 2023 and is currently self-quarantining at home.
"It would be best for me to finish the quarantine period and until I test negative again to make sure that everyone will be safe and will be spared from the virus."
Pinaalalahanan din niya ang lahat na mag-ingat, magsuot ng face mask, at uminom ng vitamins para maiwasang mahawa at makapanghawa ng COVID-19.
Saad niya, "Please, everyone, take care of yourselves too. Make sure to wear your masks and to drink vitamins at all times.
"COVID is still out there. We should not risk our health.
"I encourage everyone to continue to prevent the spread of the virus.
"Thank you and I will see you all when I get better!"
SPENDING MOTHER'S DAY WITHOUT HER KIDS
Halos isang araw pa lang ang nakalilipas matapos niyang ma-quarantine, naging emosyonal na si Aiko.
Sa kanyang Facebook post nitong Biyernes, May 12, 2023, ibinahagi ng actress-politician ang mga sintomas na kasalukuyan niyang nararamdaman na mas lalo raw nagpabigat sa kanyang pakiramdam.
Aniya, "Covid Serye - Rashes, LBM another achievement unlocked brought to you by COVID.
"Honestly kung mahinang strain lang ito kumapit sa akin then kaya naman labanan ang Covid . I mean so early for me to say this.
"I’ve had all the symptoms..Colds, Cough, Fever, Lbm, Rashes, Shortness of breath."
Gayunpaman, kahit nahihirapan sa pag-ubo't paghinga ay patuloy naman daw niya itong kinakaya.
Ayon pa kay Aiko, sa lahat ng nangyayari ay isa lamang ang hindi niya napaghandaan—ang pagkakalayo niya sa dalawang anak na sina Andrei at Marthena sa araw pa mismo ng mga ina.
Sabi ni Aiko, "Kinakaya ko nahihirapan ako more sa pag ubo.
"And ung biglaan mag isolate ka na di ka handa. It’s almost mother’s day and the truth is i may not be able to spend it first time with my kids this sunday.
"And that completely breaks my heart…Andre Yllana and Marthena Jickain.
"Sila ang mundo ko tas bigla sa important okasyon wala ako single mom / dad pa naman nila ako so ang kalaban sa COVID is utak mo."
Pinasalamatan din ni Aiko ang nobyo niyang si Congressman Jay Khonghun sa pag-iintindi at pagsama raw nito sa kanya kahit na virtually.
Saad ni Aiko, "I thank God for giving me a partner like Cong Jay Khonghun pinapatawa nya ako since this morning para di ako masad facetime kami almost every hour.
"[Hin]di nya ako pinapabayaan hanggang sa now nakatulog na sya sa kabusugan daw di sya makahinga akala nya nahawaan ko sya virtually."
Read: Aiko Melendez at Jay Khonghun, kasal na ba?
"EVERY GISING IS ALWAYS A BLESSING!"
Sa huli, may iniwang mensahe si Aiko sa kagaya niyang may pinagdaraanan at patuloy na nakikipaglaban sa anumang karamdaman.
Aniya, "Sa lahat ng me sakit and who is in the hospital now, you have my love and prayers lalo na sa moms na asa hospitals ngayon at sa mga susunod na araw sa mas mahirap na laban kaysa sa akin.
"[Y]ung iba fighting their chances to live not just for mother’s day but to live just for another day [pray sign emoji']."
"Kaya naniniwala ako sa pinasikat ni mader Ogie Diaz na every gising is always a blessing! Totoo yan."