Akma ang title ng upcoming concert ni Lani Misalucha dahil sa kabila ng kanyang pinagdaanan, she is "still Lani" na napakahusay kumanta.
Nagkuwento siya tungkol sa sitwasyon nila ng asawang si Noli limang taon matapos silang dapuan ng serious infection na bacterial meningitis.
Anu-ano ang mga adjustments na bunga ng kanilang medical condition?
"After nung lumabas na kami sa hospital, na-realize ko nga na talagang hindi na ko nakakarinig.
"Even yung speaking voice ko, pag nagsasalita ako, hindi ko nadidinig, it’s very muffled, as if I was covering my mouth.
“So ganun talaga kahirap.
"And hindi lang ito ano, e, ang nangyari sa amin, actually, kaming dalawang mag-asawa iyon."
Isang taon daw na nawala ang kanilang pandinig.
"Yung nangyari sa amin na deafness, e, hindi lang nawala yung pandinig. It was really weird and it’s kinda hard to explain because masyado kaming sensitive sa mga high frequency.
“When we got back to our condo, yung mga matatalas, like yung mga kalansing ng mga kutsara or tinidor or mga umaano sa mga plato, it was really irritating, that’s how weird it was.
“So ganun ka-sensitive yung tenga namin sa frequency na ganun and then yung mga low frequencies, medyo mahirap talaga, hindi namin talaga nadidinig.
“So naging ganun yung ano namin for about almost a year.
"So lahat muffled, lahat distorted, lahat parang static yung dating sa pandinig namin.
"So, sabi ko sa sarili ko, ‘My gosh, is it going to go on like this for the rest of my life? Is it going to be this kind of situation will I be in?’"
Read:
Elisse Joson and McCoy de Leon confirm breakup
Angel Locsin shows support for stepson Joaquin Arce
HOW LANI MISALUCHA COPED WITH CONDITION
Kinuha ni Lani ang pagkakataon para mag-"relearn" at mag-"re-train" bilang singer.
“Nung medyo ano, nung unti-unting nawawala yung pagka-muffled, medyo unti-unting nababawasan yung sensitivity sa high frequency, and then sabi ko, ‘Okay, now I have to try to talk more or to sing more,’ just to reboot kumbaga.
“So yung mga time na yun, I was like re-training myself—that was the thing that I was trying to do before, parang I’m trying to relearn how to sing again. Ganun kahirap, sa totoo lang.
“Parang kumbaga sa mga dancers na nabalian ng buto or whatever, yung tuhod, parang kailangan mo munang i-nurture ulit or pagalingin yung tuhod, pagalingin yung nabali. Parang ganun yung nangyari sa akin, parang kailangan pagalingin muna lahat."
Bukod sa boses, kinailangan daw niyang baguhin ang mindset, which is to make do and make the most of what is given.
“...parang talagang kailangan kong sabihin sa sarili ko na, ‘Ito na yung current mo na sitwasyon, you have to deal with it and you just have to work around it.’
“Kumbaga sa buhay, eto lang yung resources mo, e. You have to, you know, learn how to live that way.
"So, ganun yung sinabi ko sa sarili ko, 'Kailangan mong mabuhay sa ganitong klaseng sitwasyon mo sa buhay.’
“So I tried to re-train myself, I have to re-train yung hearing ko, because this one [pointing to her right ear], hindi na siya nakakarinig, ang nadidinig niya lang is distorted sound.
“So, kumbaga, kailangan kong alagaan itong kaliwa na nakakarinig, pero hindi din siya ganun kalakas na pandinig, so ganun yung ginagawa kong proseso.
“Number 1, accept, in-accept ko na yung ganitong klaseng sitwasyon and just really try to work around it.”
Ang komento ng press people, parang walang pagbabago, napakaganda pa ring umawit ni Lani.
“Aw, salamat,” reaksiyon ng Asia’s Nightingale.
Paano niya iyon nagagawa kahit kulang na ang kanyang pandinig?
“Yun, minsan nga, sa totoo lang, nung mga medyo nag-start ako ulit bumalik, kasi nangyari yun 2020, nung pandemic.
"Parang buong 2020 hanggang sa kalahatian ng 2021, ganun pa din yung sitwasyon namin.
“Pero somehow, unti-unti, hindi siya gumaling... kasi buti kung bingi lang, e, siguro kakayanin namin yung bingi. Pero yung the other damage that came along with it, which is yun nga vestibular disorder."
Ang vestibular disorder, ayon sa website ng Cleveland Clinic, ay kondisyong nakakaapekto sa vestibular system, na siyang "responsible for balance and spatial orientation."
Ang mga sintomas nito ay pagkahilo, vertigo, imbalance, at may koneksiyon daw sa mga inner-ear problems.
Sa kaso nina Lani, "Yung nahihilo kami, as in nahihilo talaga kami at saka yung gumagalaw yung tingin, nandiyan pa din siya.
“So ang inaano ko sa ngayon, ha, minsan nga parang bago ko kantahin ang isang nota, parang inaano ko na, alam mo yun, parang muscle memory kumbaga...
“Pero nung before noon? Oh my goodness! As if yung pagkanta ko, hinuhulaan ko, I’m not kidding. Kasi yung lahat ng sound or music na nadidinig ko noon, hindi siya precise, alam mo yun?
“Kunwari yung mga low notes, para siyang eto, yung note na mababa, pag eto yung nota talaga, pero pag under, parang semi-tone ba siya, parang it’s just underneath that note.
“Pero pag matataas naman yung mga notes, kunwari malakas na malakas na yung sound, lahat na ng instruments gumagana, tapos lahat ng boses nandiyan na.
“Kunwari eto yung mga high notes, parang it’s just above it. It’s just really weird, I am telling you. Alam mo yung keyboard na Nord ba yun? Or yung guitar na nababali mo yung tune or yung pitch, ganun, parang ganun.
“But now, somehow a little bit, medyo unti-unti, kaya ginagalingan ko na lang sumayaw, hahaha.”
Ang panayam kay Lani ay nangyari sa isang media conference nitong Biyernes, July 19, 2025, sa 22 Prime sa Discovery Suites Manila sa Ortigas, Pasig City.
Ito ay para sa concert niyang Still Lani, na magaganap naman sa August 21, sa The Theater at Solaire. Guest performers dito ang Ben&Ben, ang pop duo na sina Leanne & Naara, si Shaira Opsimar, at si Paeng Sudayan.
Produced ito ng Backstage Entertainment, with Atty. Nate Quijano as executive producer, Calvin Neria as the director, and Toma Cayabyab bilang musical director.
Si Toma ay anak ng National Artist for Music na si Ryan Cayabyab.