Isinugod ni DJ Jhai Ho ang sarili sa emergency room ng isang ospital matapos mahirapang huminga habang umeere ang kanyang programa sa DZMM TeleRadyo noong April 5, 2026.
Ayon sa radio personality, nakaramdam siya ng hirap sa paghinga at pagsasalita.
Pero tinapos pa rin niya ang programa at hindi nagpahalatang hirap na siya sa paghinga.
Saad niya sa kanyang Instagram post kahapon, April 6: "Kapansin pansin na hirap na hirap at naghahabol na ako sa aking hininga yesterday sa programa.
"Pero PILIT kong inilalaban talaga na tapusin ang show.
"Right after nito 12nn to 1:30pm ako na mismo nagsugod sa self ko sa ER. [praying hands emojis]"
Dagdag niya: "Ginawa lahat ng LabTest.
"Chineck if inaatake ako sa puso.
"Kinunan Blood
"XRAY
"ECG
"Swab, etc."
Matapos niyang makalabas sa ospital siya at habang nagpapagaling sa bahay, napagtanto raw ni DJ Jhai Ho na hindi maganda ang dulot ng pagbi-vape sa katawan.
Deklara pa niya: "Stop na ako sa pag Vavape!"
View this post on Instagram
Ayon pa sa isang post niya sa Facebook ngayong araw, April 7: "As per doctor din. Malaking factor at trigger point is yung Stress kaya talagang ilalabas niya yung sakit... #NoToStress"
Read: Yasmien Kurdi, itinuloy ang reklamo sa dating eskuwelahan ng anak
DOH ON TOBACCO AND VAPING
Sa advisory na inilabas ng Department of Health (DOH) noong April 4, 2025, na may pamagat na "Tobacco and vape still kill," nakasaad ditong tumaas ang nicotine addiction ng mga Pinoy kaugnay sa paninigarilyo at paggamit ng vape, base sa kanilang 2023 National Nutrition Survey.
Mula 19 percent noong 2021, tumaas daw ito ng 24.4 percent noong 2023 sa adults na may edad na 20 hanggang 59.
Ayon naman sa World Health Organization (WHO), tinatayang umaabot sa lagpas walong milyon ang annual deaths na sanhi ng tobacco use.
Sa Pilipinas, batay sa datos ng Philippine Statistics Authority noong 2023 at 2024, ang Top 3 na sanhi ng kamatayan—heart attacks, cancer, at strokes—ay naiuugnay sa paninigarilyo.
Bahagi pa ng kanilang pahayag: "Vapes and vapor products pose significant health risks including e-cigarette or vapor product associated lung injury (EVALI), nicotine addiction, and respiratory and cardiovascular diseases, among others.
"The Philippines has already recorded and published its first case of E-cigarette or Vaping Use-associated Lung Injury (EVALI)-related death in a 22-year old athletic male who had no history of smoking or other vices, but started vaping at an early age."
Read: Bea Alonzo, Vincent Co bond with her friends Dimples, Beatriz