Malinaw na may pinatatamaan ang TV host na si DJ Jhai Ho sa marami niyang mensaheng pinakawalan sa X (dating Twitter) kahapon, December 17, 2023?
Kaugnay ito sa hiwalayan nina Kathryn Bernardo at Daniel Padilla na pareho niyang kaibigan.
Read: End of KathNiel Era: A timeline of their generation's hottest box-office love team
Unang mensahe ni Jhai Ho, "Teka?!!! Ang ganda ng gising ko pero bakit may nakiki unfollow??? at sumasawsaw???"
Dagdag pa niya, "Ang galing din ano nanahimik tapos after ng mga ganap balik parinigan? ano kaya planado? hmmmmmm please naman wag na makisale oh.. may pag unfollow kapa eh..."
Pagkatapos ay nagbigay pa si Jhai Ho ng isang blind item na tumutukoy sa tinagurian niyang "sawsawera."
Aniya, "Tutal miss niyo ako sa Marites University at dahil resigned ako doon may ako.. Blind Item!
"The Who: Sino itong Girl na narinig sa isang event na chumika sa mga ibang artista na anlkas ng boses kesyo pag nakikita daw niya ang mga Kamag anak ni BOY na sikat eh GIGIL siya?"
Nagbigay pa siya ng clue kung sino ang tinutukoy niya: "si GIRL ay diumano SAWSAWERA as per mga fans at TRENDING SIYA not once but twice."
Base sa komento ng maraming netizens, naniniwala silang si Alora Sasam ang pinatatamaan ni Jhai Ho.
In-unfollow raw ni Alora si Daniel sa Instagram.
Parehong kaibigan ni Alora sina Kathryn at Daniel, pero lumalabas na kumampi si Alora kay Kathryn sa hiwalayan nila ni Daniel.
In-unfollow pa nga ni Alora si Daniel sa Instagram.
Read: Alora Sasam unfollows Daniel Padilla on Instagram
"BOTH SILA PROTEKTAHAN MO."
Ayon pa kay Jhai Ho, naiintindihan naman niyang mas close sa isa ang taong tinutukoy niya, pero dahil pareho niyang kaibigan ang nag-break, dapat daw ay protektahan niya pareho ang mga ito lalo na sa ganitong pagkakataon.
Saad niya, "DIKO Kasi gets talaga as if hindi siya pinakitunguhan ng GUY ediba naki barkada din naman siya. gets na mas close ka sa isa pero as if walang magandang nagawa at pakikitungo sayo para ganyanin mo? te! kung tunay kang friend mag break man both sila protektahan mo."
Pinanindigan din ni Jhai Ho na "mabuting tao" si Daniel kahit maraming kumakalat ngayong balitang nangaliwa ito habang sila pa ni Kathryn.
Ang itinuturong dahilan ng hiwalayan ng KathNiel ay si Andrea Brillantes.
Saad ni Jhai Ho: "Basta ako hindi naniniwala sa mga fake news at mga kung ano anong sinasabi sa soc med!!! Para sakin Mabuting tao si DJP! As in! hanggang sa buong Pamilya at sa pamilya grabe nya kami pinakikitunguhan at Minahal. kasi ganun siyang kaibigan at magpahalaga saamin.
"Hanggang sa Pamilya ko mula sa pamilya niya! kahit nga staff ko sa mga negosyo concern yan sila. Hindi ako ever pinabayaan. Not for anything pero alam ko sa oras na ganito Ilalaban ko si DJP dahil Mabuti siyang tao. Mabait. MAKATAO!"
Wala pang reaksiyon si Alora sa mga pasaring ni Jhai Ho.