Usung-uso sa panahon ngayon ang salitang “plantito” at “plantita.”
Nagsimula ito nang mag-lockdown ang bansa dahil sa COVID-19 pandemic.
Napagtuunan ng mga netizens ang pagtatanim ng mga ornamental plants sa mga paso upang payabungin at ipang-display sa kanilang mga bahay.
Ang iba naman ay nag-alaga ng mga halamang gulay sa mga paso o sa maliliit na espasyo sa kanilang mga bakuran.
Pero, ibahin mo si Ethel Booba.
Dahil nagmistulang vegetable garden ang loob ng kanilang bahay.
Sa kanyang post noong nakaraang October 10, 2020, ipinakita ni Ethel ang malalaking puno ng gulay sa loob ng kanyang bahay.
Sabi niya sa caption, “Good morning PLANTITOS and PLANTITA.”
Kinagiliwan ng netizens ang post ni Ethel kaya naman umani ito ng 58,000 likes, 3,600 comments, at 21,000 shares.
THE PLANTS
Sa unang larawan ay makikita si Ethel na nakagayak habang karga niya si Baby Michaela, ang anak niya sa partner na si Jessie Salazar.
Makikita sa background ang malaking puno ng malunggay at talong na may bunga pa.
Sa isa pa niyang larawan, makikita naman ang mga puno ng papaya na nakatanim sa mga paso.
Makikita naman ang mga puno ng saging sa isa pa niyang post.
May mga puno rin ng gabi si Ethel sa kanyang sala.
Ang huling larawan ay picture ng buo niyang sala kung saan makikita ang lahat ng kanyang halamang gulay.
Bukod kay Ethel, marami na rin ngayong celebrities ang proud plantitas at plantitos.
Kamakailan lang, usap-usapan rin ng netizens si Jinkee Pacquaio dahil sa mamahalin nitong halaman na "variegated Alocasia Elephant Ear" o mas kilala din sa tawag na "Badiang" sa bahay nila ni Senator Manny Pacquiao sa General Santos.
Isa ka bang showbiz fan na laging updated at naghahanap ng latest chika? Share what you know. Join here! https://bit.ly/PEPChika
Also, you can use these foodpanda promo codes or vouchers when you shop or order online. Marami pang ibang coupons dito.