Hindi pa man pumipirma ng kontrata si Luke Conde sa bago niyang endorsement ay may plano na siya kung saan niya gagastusin ang kanyang talent fee.
Ialaan niya ito sa house and lot na binili niya at sa iba pang investments.
"Part of it po will go to business and part of it is para mabawasan po yung binayad ko sa bahay na kinuha ko po sa Batangas. House and lot po.
"Nasa mga PHP2 point [something million]. Actually, bawas na po yun kasi since Hashtag po ako nung kinuha ko yun.
"More or less na sa PHP1M pa po yung babayaran ko," lahad ni Luke.
Si Luke ay dating miyembro ng male group na Hashtags sa Kapamilya noontime show na It's Showtime. Lumipat siya sa GMA-7 noong June 2021.
Nakapanayam ng PEP.ph (Philippine Entertainment Portal) si Luke sa contract signing and press launch niya bilang Hanford brand ambassador. Ginanap ito sa Arete Square building sa Congressional Avenue, Quezom City, noong October 7, 2022.
Kung may matitira pa sa kanyang talent fee after niya magtayo ng negosyo, gusto niyang bayaran na nang buo ang natitirang kulang sa binili niya na house and lot.
Para kanino yung bahay na binili niya sa Batangas?
"Sa mom ko po," mabilis na tugon ni Luke.
Kuwento pa niya, "Kasi we’ve been renting simula bata kami. Actually, hindi bata. Kasi before, ano kami, nakikipisan sa mga kamag-anak.
"So dream ko po talaga before na maranasan ni Mama na magkaroon kami ng bahay, na may garden, ganyan."
Bunso si Luke sa kanyang pamilya at dalawa lang sila ng nakatatanda niyang kapatid na babae na may asawa na.
Kung sakali, ano ang business na gusto niyang pasukin?
"Food business po. Actually, isa po yun sa dream ko, ang food business. And, at the same time, sariling brand po.
"Pero hindi ko pa po alam kung ano pong brand. Kung anong line po."