Sikat na puntahan ng mga turista ngayong summer ang Siargao para sa beach getaway.
Kanya-kanyang post sa social media ang netizens ng photos at videos na kuha sa kanilang summer trip sa isla.
Kapansin-pansing maraming turista na sinasadya talaga ang isang maliit na snack bar sa Catangnan, General Luna.
Ito ang Kanaway Snack Bar, na pagmamay-ari ng aktres na si Andi Eigenmann at ang partner niyang si Philmar Alipayo.
Mismong si Andi ang kumukuha at nagse-serve ng orders ng customers, katuwang ang ilan pa niyang staff members.
Read: Andi Eigenmann, viral ang pagiging "serbidora" sa Siargao
NETIZENS AND THEIR ENCOUNTER WITH ANDI
Sabi nga ng ilang netizens, ayaw nilang palampasin ang pagkakataon na isang artista ang kumuha ng kanilang order.
Isa na rito ang digital creator na si Erwin Jericho Arceo na taga-Bataan.
Ipinost niya recently ang kuhang video clip niya kay Andi, kung saan tinanong niya ang aktres kung ano ang kahulugan ng Kanaway.
Maririnig si Andi na sinabing ang Kanaway “is type of a wind” na maganda para sa surfing.
May 2.4 million views na ang video sa TikTok ng digital creator.
Kuwento ni Erwin sa PEP.ph (Philippine Entertainment Portal), “Before we go to Siargao, alam naman namin na doon na nakatira si Andi, but we didn’t expect na makikita namin siya doon.
“Then may nakita kaming post na may store pala siya, so nagkaroon ng malaking possibility na makita namin siya, since minsan daw, siya talaga yung nagse-serve sa store niya.”
May mga lokal na pinaalalahanan daw ang grupo nina Erwin: “Huwag niyo ituring na artista si Andi at Philmar kase ayaw nila yun.”
Kamusta ang experience ni Erwin kay Andi sa kanyang snack bar?
“And my personal experience, to encounter celebrity like Andi was incredible! She’s still gorgeous even without make-up.
“Siargao is so beautiful and also the people, and Andi adapts to it. Sobrang bait ni Andi, sobrang humble, sobrang approachable.”
Nagkuwento rin si Erwin tungkol sa pagiging “accommodating” sa kanila ng aktres.
“Hindi namin alam yung oorderin namin, then bigla siya nagsalita, ‘Try Kanaway Latte, that’s our bestseller.’”
Mas pinili raw ni Erwin na huwag nang mag-selfie kasama si Andi dahil tinandaan ang bilin ng locals.
“Puwede naman magpa-picture or something, e, but we chose to respect the Siargao community.”
Nag-post din ng mga larawan ang netizen na si Toni Pete kasama si Andi.
“It was a brief and unexpected encounter,” ani Toni sa PEP.ph.
“Our plan is to just have an iced coffee at her Snack Bar after ordering some of her best-seller drinks.
“Then unexpectedly we saw her. Then we introduced ourselves na we’re followers of her YouTube channel, na we’re from Cebu.
“Then we asked her kung puwede magpa-picture. Then she said yes.”
Sinabi ni Toni na “accommodating” ang aktres.
Na-appreciate din ng netizen na si Liezl Gregory ang pagpayag ni Andi na magpa-picture kasama sila. Tila nakumpleto raw ang kanilang Siargao experience.
Ani Liezl (published as is): “Thank you so much po sa pagpa picture sa amin..grabi gwapa jd kaayo ka dol, super cute.. Kompleto njd kaayo among Siargao experience ky nka pa pic mi sa imo.”
“Sobrang bait. Sobrang accommodating,” bahagi ng caption ng isang female customer kalakip ang video ni Andi na busy sa pagse-serve ng iba pang customers.
“Napakamura ng kanyang ngiti. She smiles at everyone,” post ng isa pang female tourist.
Samantala, may napagtanto si Erwin kung bakit mas pinili ni Andi na talikuran ang showbiz at mamalagi sa Siargao.
Ani Erwin, tunay na maganda ang Siargao at nasaksihan nila kung gaano kabait ang komunidad doon.
Sabi ng content creator, “Now I know kung bakit mas pinili ni Andi yung Siargao over her fame.
“It’s not Andi, it’s not the beautiful places, but it’s the people! Their community that makes the Siargao famous.
“Kapag umalis ka ng Siargao, ma-homesick ka. Gusto mo bumalik.”
Kadikit ng snack bar ang Kanaway Surf Shop ni Philmar.
Aminado ang netizens na added attraction si Andi para sa mga pumupunta sa kanyang business establishment. Bukod sa star-sighting, may free picture-taking pa.
May ilang videos din na makikitang kasama ni Andi sa pagse-serve ang kanyang panganay na si Ellie.
