“May nanalo na!”
Parte ito ng caption ng car dealer na siyang nakapagbenta sa “kauna-unahang” sports car ng ABS-CBN A-lister na si Daniel Padilla.
Recently, pinagkaguluhan sa social media ang posts tungkol sa sale ng orange 2016 Chevrolet Corvette Stingray C7 sports car ni Daniel.
Read: Daniel Padilla puts Chevrolet Corvette Stingray up for sale
Tampok pa sa YouTube channel ng kilalang vlogger na si Boss Toyo ang pagbebenta ng F2A Cars (car dealer) ng sports car ni Daniel nitong January 15, 2024.
Pero hindi nagkasundo sa presyo ang car dealer at si Boss Toyo, na ang haggle price ay PHP5.8 million.
Nitong January 16, 2024, isang online gamer ang nakabili ng kotse ni Daniel sa halagang PHP6 million.
Ang nakabili ay si Tito Paldo, a.k.a. Pardz Gaming on Facebook, isang online gaming video creator mula sa Angeles City, Pampanga.
Sa maiksing video clip, makikita ang representative ng F2A Cars at ang bagong owner ng sports car ni Daniel.
Bahagi ng message ng car dealer sa new owner ng sports car, “Nag-iisa lang yan bro! Kaya sana ingatan and alagaan mo Congratulations brother on your new sportscar. Enjoy & Drive safe.”
Meet Tito Paldo (far right, with cap), the new owner of Daniel Padilla's former sports car. The representative (far left, in black shirt) of F2A Cars turns over the car to Tito Paldo.
Sa vlog ni Boss Toyo, sinabi ng F2A Cars representative na nabili ang sports car mula sa kaibigan mismo ni Daniel.
Nabanggit din na ang Corvette Stingray ang unang sports car na binili nina Daniel at ng dating girlfriend na si Kathryn Bernardo.
Sa My Day ng new owner, pinangalanan niya ang sports car na Sting.
Sa autoblog.com, nasaad dito na ang presyo ng isang 2016 Chevrolet Corvette Stingray ay nasa $55,400 hanggang $84,400 o PHP3.1 million-PHP4.8 million.