Hanggang college ay magkasama ang Team Jolly!
Back to school na ang Sparkle love team nina Sofia Pablo at Allen Ansay.
At sa pagkakataong ito, pareho silang freshman students sa UST Angelicum College sa Quezon City.
Ang ikinatuwa pa ng Next-Gen Leading Lady ay classmates sila ni Allen.
"From SHS to college… but this time, with him," ang caption ni Sofia sa pinost na reel sa Instagram, kunsaan nili-lip-synced nila ni Allen ang song na "You Belong With Me" ni Taylor Swift.
Read: Marjorie Barretto, 51, and son Leon, 22, finish college
ALLEN ANSAY GOES BACK TO SCHOOL
Sa Instagram post naman ni Allen, ang nakasaad na caption ay, "your college freshman."
Naikuwento dati ni Allen na tumigil muna siya pansamantala sa pag-aral sa kolehiyo para mag-focus sa pagpasok niya sa reality artista-search ng GMA-7 na StarStruck season 7 noong 2019.
Naging First Prince (o first runner-up) siya sa winner na si Kim de Leon.
Desidido kasi ang Next-Gen Leading Man na sundan ang yapak ng mga iniidolo niyang sina Dingdong Dantes at Alden Richards.
Dahil naging successful ang love team nila ni Sofia, panahon na raw na bumalik si Allen sa school.
Na-inspire din siya sa sipag at tiyaga ng kanyang ka-love team, na nagawang pagsabayin ang showbis at studies.
Kaka-graduate lang ni Sofia from senior high school noong nakaraang June 2025.
“Last year, sabi ko, parang gusto ko nang pumasok ng pag-aaral kasi nakikita ko siya [Sofia], napagsasabay niya naman.
"And ngayon, finally, magkaklase na kaming dalawa," sabi ni Allen sa interview nito sa 24 Oras noong August 7, 2025.
SOFIA PABLO AND ALLEN ANSAY TAKE UP THE SAME COURSE
Parehong Bachelor of Arts in Communication ang kinuhang kurso nila Allen and Sofia sa UST Angelicum College.
"Na-feel naming na mas ano sa career path namin and work namin yung communication. At least mas mate-train din kami behind the camera," sabi ni Sofia.
Parehong good role models sa mga kabataan sina Sofia at Allen.
Kahit na kumikita na sila sa showbiz, pareho nilang goal na tuparin ang mga pangako sa mga magulang: ang makakuha ng college diploma.
Huling napanood ang Team Jolly sa GMA Afternoon Prime series na Prinsesa Ng City Jail, na nagtapos noong June 21, 2025.
Sa magkakasunod na big events para sa 75th anniversary ng Kapuso Network—GMA Gala 2025 last August 2 at launch ng bagong station ID ng GMA-7 na Forever One With The Filipino noong August 5—very visible ang dalawang stars.
Noong August 7 naman ay nakita sila sa Power Plant Mall Cinema, Rockwell Drive, kung saan naganap ang premiere ng Ganito Tayo, Kapuso, isang collection ng seven short films “that aim to spotlight through compelling narratives these timeless Filipino values: Maka-Diyos, Masayahin, Maabilidad, Makabayan, Mapagmalasakit, Mapagmahal sa Pamilya, and Malikhain.”
Bida sina Sofia at Allen sa pelikulang tungkol sa pagmamalasakit sa kapwa.
Dumalo rin sa premiere sina Mikee Quintos, Matt Lozano, Althea Ablan, Patricia Tumulak, Maey Bautista, Heath Jornales, Euwenn Mikaell, Sienna Stevens, Kzhoebe Baker, Aljon Banaira, Ericca Laude, at David Sean.
Present din ang ilang executives ng GMA Network.
Abangan ang Ganito Tayo, Kapuso sa mga piling sinehan, television, at online, simula August 17.
Read: Regine Velasquez disappointed over fan's push allegation