Paano ba si Tonton Gutierrez bilang isang ama sa totoong buhay?
"Chill lang na father," ang sagot niya nang tanungin ng press during the online mediacon for GMA-7's ongoing series Love You Stranger.
Wala raw siyang parang formula sa parenting style.
Aniya, "I’m the kind of father na lahat puwede, puwede akong strict, puwede akong makulit. Lahat puwede. Puwede akong masaya, whatever, kung ano man ang dumating sa sitwasyon, gano’n ako."
Bagamat malalaki na ang dalawang anak nila ni Glydel Mercado na sina Aneeza, 18, at Aneeka, 10, tila hindi rin siya yung tipong maraming rules sa bahay.
Dugtong ng aktor, "Hindi ako masyadong uptight sa mga anak ko. Ano lang, chill lang kami."
Kahit sa mga previous interview niya sa PEP.ph (Philippine Entertainment Portal), consistent siya sa pagsasabing nakaka-stress ang magalit.
Nasabi niya noon na, "Naka-drain ng energy, nakakasira pa ng araw."
At bilang isang magulang, ang mahalaga raw ay maipaabot ang dapat sabihin sa mga anak.
Aniya pa, "And it doesn't follow o there's no guarantee na kapag galit ka, mas natatandaan nila, di ba."
ELDEST DAUGHTER GRADUATES FROM HIGH SCHOOL
Samantala, graduate na sa senior high school sa Miriam College ang panganay niya.
Present sila ni Glydel sa graduation ceremonies na naganap noong June 10, 2022.
Ang caption ng proud dad sa kanyang Facebook post:
"CONGRATULATIONS MY DEAR ANEEZA. [3 heart emojis] GOOD LUCK TO YOUR NEW JOURNEY IN COLLEGE MOM & DAD ARE SO PROUD OF YOU [3 heart emojis]."
Kay bilis ng panahon!
At bagamat 54 years old na si Tonton, kitang-kita pa rin ang youthful looks niya.
Natatawang komento ng Kapuso actor tungkol sa grooming routine niya, “Sabon lang din.”
At saka idinugtong, “It’s in the genes and exercise. Hindi yung workout, it’s more on jogging, walking."
Si Tonton ay anak ng dating matinee idol na si Eddie Gutierrez at Bb. Pilipinas 1966 1st runner-up Liza Lorena, na kilala ring aktres.