Proud na proud si Joaquin Domagoso, 21, na ipakilala sa publiko sa unang pagkakataon ang panganay na anak na si Scott Domagoso.
Sa Instagram kahapon, May 8, 2023, buong ningning na ibinida ni Joaquin ang kaguwapuhan ng kanyang baby.
Si Scott ay anak ni Joaquin sa girlfriend na si Raffa Castro, 22.
Si Raffa ay anak ng actor-turned-newscaster na si Diego Castro.
Si Joaquin ay anak naman ng actor-turned-politician na si former Manila Mayor Isko Moreno.
Caption ni Joaquin (published as is): “Baby ko si kulot, inaalis n'ya'ng aking lungkot——Dada loves you [heart emoji]”
View this post on Instagram
Ganap na ring Kristiyano si Scott. Ginanap ang kanyang binyag sa St. Michael The Archangel Parish sa Taguig City noong April 30, na itinaon sa unang kaarawan niya.
Ang birthday at baptismal reception naman ay ginanap sa The Atrium ng Enderun, sa Taguig City pa rin.
Read: Joaquin Domagoso, Raffa Castro celebrate son Scott's baptism and first birthday
Isinilang si Scott sa isang ospital sa Quezon City noong April 29, 2022. Pero inilihim muna nina Joaquin at Raffa ang pagkakaroon nila ng anak.
Nalaman ng publiko ang katotohanan nang aminin at kumpirmahin ni Isko na lolo na siya sa isang interbyu noong July 2022.
Read: Isko Moreno admits to being a lolo to son Joaquin Domagoso's child: “Ang pogi ng apo ko.”
Unang ipinasilip ni Raffa ang hitsura ng anak nila ni Jaoquin, kahit medyo may takip ito, noong Valentine’s Day, February 14.
Nasa bakasyon sila noon nina Joaquin at anak na si Scott sa Japan.
Read: Raffa Castro proudly posts family photos with Joaquin Domagoso, son Scott for the first time
Si Joaquin naman ay unang nag-post tungkol sa kanilang relasyon ni Raffa noong April 10.
Itinaon niya ito sa pagdiriwang ng ika-22 kaarawan ni Raffa.
Read: Joaquin Domagoso posts photos with girlfriend Raffa Castro for the first time