Ang pinakapaboritong libangan ng Kapuso actor na si Miguel Tanfelix ay ang mag-travel sa ibang bansa mag-isa.
Hindi raw siya natatakot na mag-solo travel.
"Well, ang sinabi sa akin ng isang traveler din pag nagtatanong ako kung safe ba diyan, lahat naman daw ng lugar, hindi safe. Lahat may risk. May danger.
"Nasa iyo na lang kung paano ka mag-iingat. So kahit saan man po ay pumunta, ay kailangan pa rin mag-ingat."
Hindi raw nag-a-avail ng guided tours na may itinerary.
Ang kanyang ginagawa ay mga "do-it-yourself" o DIY tours kung saan siya mismo ang nagri-research ng mga lugar na gusto niyang i-explore.
"DIY po ako. Ayaw ko kasing may sinusunod na schedule, e.
"Kasi ayaw kong nara-rush pag nasa ibang bansa ako. Parang gusto ko, oras ko susundin ko. So, DIY."
Mas nakakamura ba siya sa DIY travel niya?
"Well, madalas po mapamura sa ganda....Napapamura po ako dahil budget travel lang ako, e.
"Economy seats, minsan. Tapos naka-backpack lang ako, walang check-in, tas natutulog ako sa mga hostels.
"Yes. So, backpacker style talaga. Tapos towards the end, mga last three days, doon po akong maghu-hotel na maganda para relax na."
Read: Bianca Umali sets aside college plans for cousin’s education
MIGUEL ON HIS TRAVELS: "Freedom."
Anong satisfaction ang dulot sa kanya ng mga solo adventures?
"Freedom. Time for myself. Stress reliever. Saka adventure. Mahilig po akong adventurous po ang tao."
Ano ang pinakamagandang lugar na ang tumatak sa kanya?
"Well, siyempre yung last travel ko. Nag-Brazil, Argentina, Peru ako.
"Ang favorite ko doon, Peru. So, Peru is pinakamaganda.
"Isa sa mga Seven Wonders ang Machu Picchu."
Ang tinutuloy niya ay ang tinaguriang "lost city" ng Inca Empire na matatagpuan sa Cusco region at Urubamba province.
Dagdag ng Kapuso actor: "Yes. Tapos meron pang pinuntahan dun na nag-sandboarding ako sa isang malaking desert nila. Sobrang ganda. Adventure talaga."
Ayon sa kanyang post sa Instagram, "unplanned" daw ang pagpunta niya sa Huacachina, isang desert oasis village na malapit sa isang natural lagoon na nasa southwestern Peru.
Ang cost ng sandboarding tour ay nasa USD15 to USD40 (or PHP924 to PHP2,466).
At para kay Miguel, ito ay "one of the core memories of this trip."
Sa ngayon, mapapanood pa rin si Miguel gabi-gabi sa Taskforce Firewall ng GMA.