Kumakalat ngayon sa social media ang sweet na sweet na larawan ni Vice Ganda at ng kanyang rumored boyfriend na si Ion “Kuya Escort” Perez.
Makikita sa black-and-white photo na yakap-yakap ng It's Showtime host si Ion, na nakadampi naman ang mga labi sa pisngi ng TV host-comedian.
Caption sa Instagram post ng @viceionation kahapon, July 11: “'HAVING YOU NEAR ME FEELS SO RIGHT.' to: @pereziion27Love, your forever Darling, @praybeytbenjamin”
Base sa larawan, tila kuha ito sa Hollywood, California, kung saan nag-perform doon si Vice noong May 2019.
Isiningit na rin ng Kapamilya star ang bakasyon kasama ang kanyang ina, ilang kaibigan, at si Ion.
Mapapansin na pareho ang headband ni Vice at shades na suot ni Ion sa mga lumabas na larawan nila noon.
Noong July 9, nag-post daw si Ion sa kanyang IG Stories ng isang larawan nila ni Vice.
Sabi raw ni Ion sa caption, ayon sa post ng @viceionantion: “Darling I will be loving you till we're 70'
“Thank you so much for being BRAVE the two of you? We love you. Till forever, ViceIon.
"#viceion #itsshowtime #kaparewho#ionperez #viceganda #teamviceph#kuyaescort
"#showtimefamily#teamorens #lovewins.”
Matagal na ang balitang may relasyon sina Vice at Ion.
Ngunit hindi pa nila ito kinukumpirma pa hanggang ngayon.
Pero kung pagbabasehan ang mga kilos nila sa It’s Showtime, masasabing mayroon nga silang mas malalim na ugnayan.