Muling nakiusap ang Filipino-British football player na si Phil Younghusband na mag-“move on” na ang publiko sa isyu sa pagitan niya at ng dating girlfriend na si Angel Locsin.
Kamakailan ay umamin si Angel na may nararamdaman pa rin siyang pagmamahal sa dating boyfriend na si Luis Manzano.
Read: Angel Locsin admits she still has feelings for ex-boyfriend Luis Manzano
Bagay na ipinagtaka ng ilan dahil matapos ang relasyon nila ni Luis, naging boyfriend ni Angel si Phil.
Dahil dito, hindi naiwasan na matanong ng entertainment media si Phil para sa reaksiyon niya tungkol dito.
Matipid ang sagot ni Phil, “As long as she’s happy...”
Sinabi rin ng football player na nananatili silang magkaibigan ni Angel kahit tapos na ang kanilang relasyon.
Read: Phil Younghusband "no reaction" to Angel Locsin-Luis Manzano reconciliation
Marahil dahil sa patuloy na pag-uugnay kay Phil tungkol sa posibleng pagkakabalikan nina Angel at Luis kaya nag-post ang atleta ng larawan ng peace symbol sa kanyang Instagram account (philipyounghusband).
Sa caption nito, sinulat ni Phil:
“To all those involved, can I kindly request we put an end to this issue. We appreciate all your support, but if we are to be happy, we must all move on. As supporters of Angel & I, lets all move past this & look forward. Thanks! :)”