Ipinaalam ni Luis Manzano sa kanyang Instagram followers na muntik nang ma-hack ang kanyang Instagram account ngayong gabi, April 12.
Ibinahagi ng TV host/actor ang natanggap niyang notification na naglalayong kumpirmahin kung nais niyang mag-request ng password sa naturang photo-sharing application.
Ngunit hindi tulad ng karanasan ng ilang artista, naiwasan ni Luis ang pagtatangkang mapalitan ng hacker ang kanyang password.
Bukod kay Luis, nauna nang naibalita ang karanasan ni Angelica Panganiban kung saan na-hack ang kanyang Twitter account.
Nakatanggap din si Angelica ng "reset password" notification sa kanyang Instagram katulad nang nakuha ni Luis.
Maging ang isa pang Kapamilya star na si Daniel Padilla ay hindi pa magamit ang kanyang Instagram account na na-hack noong nakaraang linggo.
READ: Daniel Padilla's Instagram account hacked
Base na rin sa mga karanasang ibinahagi ng mga nabanggit na personalidad, mismong mga netizens ay pinaalalahanan ang isa’t isa na regular na palitan ang password upang makaiwas sa hackers sa social media.