Kinumpirma na ni Daniel Matsunaga ang relasyon nila ni Erich Gonzales.
Ito ay kung pagbabasehan ang post ng mga #DanRich fans kahapon, May 7.
Nakalagay sa Instagram post ni @anlizbej78 ang photo collage nina Daniel at Erich, pati na ang screens hots sa comments thread na kasalukuyan pang tini-trace ng PEP.ph (Philippine Entertainment Portal).
Mababasa rito na tinanong ni @vanessapianera si Daniel ng: "Kayo na? Sagutin mo @dandanmatsunaga."
Sa isang screen shot, ito ang maikli ngunit makahulugang sagot ni Daniel: “yyyyeeeesssssssss.”
Caption pa ni @anlizbej78: "Di KO lang mapigilang Hindi KO ma.post to #kiligerssssLang #DanRich â¤â¤â¤ Yesssssss na talaga to ha?#KingSpartan ,..wala ng BAWI.AN ✌✌✌"
A photo posted by @anlizbej78 onMay 7, 2015 at 12:28am PDT
Sa huling panayam ng PEP kay Daniel nitong nakarang linggo sa Boracay, sinabi nitong “secret” kung anuman ang namamagitan sa kanila ni Erich.
Gusto raw ng Brapanese model-turned-actor na maging pribado ang kanyang lovelife.
Itinanggi rin niyang siya ang dahilan kung bakit nagkahiwalay si Erich at ang non-showbiz boyfriend nito.
Read: Daniel Matsunaga on breakup of Erich Gonzales and non-showbiz boyfriend: "That's not my fault."
Sa panayam naman ng PEP sa kapatid ni Daniel na si Vanessa Matsunaga sa isang event noong May 5, kinumpirma nitong nagdi-date nga ang kanyang kapatid at si Erich.
Read: Vanessa Matsunaga confirms brother Daniel and actress Erich Gonzales are dating