Nagkatotoo na ba ang bulung-bulungang mula sa Amerika ay tutuloy ng Italy sina Cesar Montano at Sandra Seifert upang doon daw ipanganak ang kanilang magiging supling?
Diumano, sa nakatatandang kapatid ni Cesar na si Marimer Hamilton muna mamamalagi si Sandra habang ipinagbubuntis ang anak nila ng actor-director.
Sa Italy nakatira ang kapatid ni Cesar na kilala rin sa tawag na Ate Ched.
Ayon sa Instagram post ni @butterfinger00000 nitong Sabado, May 9, magkasama raw sina Sandra at Marimer sa Italy.
Kalakip nito ang larawan ng dalawa.
Caption niya dito: “Kasama ni sister sandra ang mabait na kapatid ni cesar at tanging kumwestyon sa bunso ni Sunshine na anak daw si chesca kay jinggoy! Korek @showbizchika_ph???? Hahaahaha!! #baliw #hunghang #bruha #sandraseifert #cesarmontano”
Hindi malinaw kung luma o bago ang larawang ito, at kung saan ito kuha.
A photo posted by @butterfinger00000 onMay 8, 2015 at 11:02pm PDT
Matatandaang bago pa man ang laban nina Manny Pacquiao at Floyd Mayweather Jr., napabalitang magkasamang lumipad papuntang Las Vegas sina Cesar at Sandra.
Ayon pa sa mga ulat, manonood daw muna sila ng tinaguriang "Fight of the Century" bago tumulak papuntang Italy upang doon mamalagi hanggang sa makapanganak ang Miss Earth Philippines 2009 na si Sandra.
Read: Beauty queen Sandra Seifert pregnant with Cesar Montano's child?
Sa isa pang post ni @butterfinger00000, sinabi nitong magkasabay sa isang eroplano sina Sandra at Cesar pero kunwari ay hindi raw magkakakilala ang dalawa.
Ngunit sa lumabas na larawan, hindi masyadong malinaw kung si Cesar ang lalaking naka-sumbrero at nakasalamin, pero maaaninag na si Sandra nga ang isang pasahero sa eroplano.
Caption dito: “Uyyy kunyaring di magkakilala.. Pagood na pagood si sister sandra o! Pinapagod ni baboy este buboy.. #sandraseifert #cesarmontano @manrich34 @dominion21 @teamsunshinecruz
A photo posted by @butterfinger00000 onMay 4, 2015 at 11:25pm PDT
Hindi naman kinumpirma o itinanggi ni Sandra ang pagkakaugnay niya kay Cesar.
Pahayag niya sa TV Patrol reporter na si Gretchen Fullido noong nakaraang linggo, via Viber message, sinabi ni Sandra na: “Unfortunately I cannot comment on this issue right now. Hope you understand dear.”
Kaugnay nito, may usap-usapan ding hindi lang diumano si Sandra ang nabuntis ni Cesar. May nabuntis din daw itong modelo na halos kasabay ng ipinagbubuntis daw ni Sandra.
Ngunit hanggang ngayon ay wala pang kumpirmasyon tungkol sa ulat na ito.
Ayan na #cesarmontano #sandraseifert #sunshinecruz #fashionpulis @dominion21
A photo posted by @butterfinger00000 onApr 24, 2015 at 9:28pm PDT
Mananatiling bukas ang PEP sa panig nina Cesar at Sandra tungkol sa balitang ito.