Sinagot ni Sharon Cuneta ang mga komento ng kanyang followers sa Facebook noong May 30, Sabado, na naglalahad ng mga pinagdadaanan ng kanilang pamilya, kabilang na ang posibleng tampuhan nila ng kanyang panganay na anak na si KC Concepcion.
Noong Biyernes, May 29, nasulat dito sa PEP.ph (Philippine Entertainment Portal) ang hindi pagsang-ayon ng Megastar sa tila “unnecessary too-sexy poses” ni KC.
Read: Sharon Cuneta expresses disapproval of daughter KC Concepcion’s “unnecessary too-sexy poses”
Noong Sabado, nag-post ng mensahe si Sharon sa Facebook at sinabing hindi na siya maglalagay ng mga post tungkol sa kanila ni KC, maliban na lang kung positibo ito o nangangailangan ng paglilinaw.
Pinasalamatan din ni Sharon ang mga tagasuporta niyang may malasakit sa relasyon nilang mag-ina.
Read: Sharon Cuneta to refrain from posting about daughter KC Concepcion on social media
Gayunpaman, noon ding Sabado, may mga komentong sinagot si Sharon sa Facebook na naglalaman ng posibleng problemang pinagdadaanan nilang mag-ina.
MORE THAN JUST THE SEXY POSES. Ayon sa isang follower, isang inspirasyon si Sharon sa mga pamilya at ang pagiging maka-Diyos nito.
Sagot naman ni Sharon, hindi siya perpekto at may mga problema ring nararanasan ang kanyang pamilya.
Pahayag ng Megastar, “I am FAR from perfect, but I try my best. And we do have struggles in our family like everyone else.
“But by God's grace we are happy, and yes, blessed! God bless you and lots of love.”
Nagkomento naman ang isa pang follower at sinabi niyang wala siyang nakikitang masama sa sexy poses ni KC, mayroon at mayroon daw sasabihin ang bashers kahit anong gawin ng anak ng Megastar
Ang makahulugang tugon dito ni Sharon: “I wish all this was just about sexy poses. Thanks anyway. God bless.”
Pinayuhan din ng follower si Sharon na huwag magpadala sa mga sinasabi ng bashers dahil ang gusto ng mga ito ay magkasira ang mag-ina.
Sagot naman dito ni Sharon: “BASHERS have NEVER been the reason for driving a wedge between me and my daughter.
“The reasons are sad and not made public as they are personal and have been going on for way longer than people will ever know. Thank you so much for your concern, though.”
Isa pang follower na nanay ang nagbigay ng payo sa actress-singer.
Payo niya kay Sharon tungkol kay KC, “let her go” dahil malaki na si KC at may sarili na siyang buhay.
Idinagdag pa niyang ang tanging magagawa ni Sharon bilang ina ay bigyan ng payo ang anak para mapabuti ito at suportahan kung anuman ang gusto nito.
Pero nilinaw ni Sharon na hindi ang pagle-let go ang problema nilang mag-ina.
Sabi niya, “I think it is when they change towards YOU that problems begin.
"And yes, she is an adult now. I think adults should know better especially in terms of gratitude and respect, don't you think?
"God bless you! Lots of love,."