“We’re not perfect.”
Ito ay bahagi ng naging pahayag ni KC Concepcion tungkol sa hinanakit sa kanya ng inang si Sharon Cuneta, na idinaan ng Megastar sa pamamagitan ng pag-post sa Facebook.
Nag-ugat ang mga pahayag ni Sharon sa isang sexy pose ni KC, suot ang isang revealing outfit, sa isang musical event.
Tila hindi nagustuhan ni Sharon ang tinawag niyang "unnecessary too-sexy poses" ng panganay na anak.
Read: Sharon Cuneta expresses disapproval of daughter KC Concepcion’s “unnecessary too-sexy poses”
“I WILL LOVE HER FOREVER.” Ngayong Lunes ng gabi, June 1, nakausap ng PEP.ph (Philippine Entertainment Portal) at iba pang miyembro ng media si KC sa photo exhibit na pinamagatang #KCxMN #PHxNEPAL.
Dito ay naka-display at puwedeng bilhin ang mga larawang kuha nila ng sikat na photographer na si Mark Nicadao sa Nepal.
Ginanap ang naturang photo exhibit sa Mega Atrium ng SM Megamall, Ortigas, Mandaluyong City.
Ang kikitain ng exhibit ay mapupunta sa World Food Programme, kung saan si KC ang ambassador sa Pilipinas, para i-donate sa mga biktima ng lindol sa Nepal.
Sa naturang event ay inusisa ng press si KC kung tinawagan ba niya ang inang si Sharon para suportahan siya sa kanyang bagong adhikain.
Nakangiting tugon ni KC, “I asked her. I’ve texted my family.
"My stepdad [Francis ‘Kiko’ Pangilinan] and my sisters [Frankie and Miel] are coming tomorrow.
"Tapos si Papa [Gabby Concepcion], nasa States."
Nag-pledge na ba ng tulong ang Mama niya sa kanya?
Sagot ng Kapamilya actress-TV host, “Oo naman, matagal na.
“Siyempre supportive naman yung mommy ko.
"You know, we’re mother and daughter… I will love my mom, my mom is my mom forever, so I will love her forever."
Dagdag pa niya, “As any mother and daughter, we have… you know, we’re not perfect.
"Pero I still na… to protect her, ayokong magsalita at palakihin yung isyu.
“And because I love my family, I feel very hopeful na whatever we’ve been going through for a long time now will be fixed.”
Hindi man direktang sinabi ni KC, tila pagkumpirma ito sa sinabi ni Sharon sa isa sa mga komento niya sa kanyang Facebook followers na hindi lamang tungkol sa sexy pose ng anak ang dahilan ng kanilang hindi pagkakaunawaan.
“PARA SIYANG LION ‘DI BA?” Tinawagan ba ni KC agad ang ina nang lumabas ang isyung may hinanakit ito sa kanya?
Pahayag niya, “I’d like to keep family affairs private.
"For me, and this is just me, to protect my family, to protect my mom, I would rather keep our family affairs private."
Tanong pa ng isang TV reporter: Nothing was broken naman?
Sagot ni KC, "What was broken? How can we be broken, we’re blood."
Sa mga larawang naka-display sa photo exhibit, ang pinakapaborito raw sa lahat ni KC ay ang larawan ng isang ina na kalong ang kanyang anak.
Pahayag niya, “For me, mothers and children are close to my heart.
“I mean, I love my mom so much, and I feel na, you know, when I see mothers and children, it just touches my soft spot.
"You see how protective my mother is, para siyang lion, ‘di ba?
“Parang mommy ko lang, para siyang lion protecting her cubs.”
