PBB 737 winner Miho Nishida admits lack of proficiency in English: “I’m pride of myself.”

Ayon sa itinanghal na Big Winner ng Pinoy Big Brother 737 Regular edition na si Miho Nishida, ang nagustuhan siguro ng tao sa kanya ay ang kanyang pagpapakatotoo sa loob ng Bahay ni Kuya. Wala kasing pretensiyon ang tinaguriang ‘Sexy Mommy ng Japan’ sa pagsasabing hindi talaga siya marunong mag-English. Pagmamalaki pa niya, “I’m pride of myself.”


Hindi pa rin maitago ang saya sa mukha ng Pinoy Big Brother 737 Big Winner na si Miho Nishida nang humarap siya sa PEP.ph (Philippine Entertainment Portal) at ilan pang media ngayong Lunes ng hapon, November 9.

Si Miho ang hinirang na Big Winner sa Regular Edition ng Pinoy Big Brother 737.

Ginanap ang Big night sa Albay Astrodome, Legazpi City, Albay, kagabi, November 8.

Si Jimboy Martin naman ng Nueva Vizcaya ang itinanghal na Big Winner sa Teen Edition.

Read: Miho Nishida and Jimboy Martin declared PBB 737 Big Winners

Sabi ng 22-year-old ‘Sexy Mommy ng Japan,’ “Hindi ko po akalain na ako yung magiging Big Winner.

“Kaya sobrang ang saya ko talaga dahil biruin mo, nagkabahay kami nang hindi oras, nagka-one million kami nang di oras.

"Naku, dysuko, talagang sobrang nagpapasalamat po ako kay God tsaka sa mga sumuporta sa akin!"

Ano sa tingin ni Miho ang nagustuhan ng tao sa kanya at ibinoto siya ng mga manonood?

Nakakuha si Miho ng overwhelming 81.96 percent of the total votes.

Sagot niya, “Siguro kasi… ako naman po, ang tingin ko naman po sa sarili ko ay wala naman akong talent at wala naman po akong ibang ginawa kundi yung kung ano lang yung makikita nila sa akin.

“Yun lang po yung pagkatao ko. Yun lang naman po yung ipinakita kong buong-buo.

“I’m pride of myself.”

Nagtawanan naman sa loob ng isa sa mga kuwarto ng PPB House nang mabanggit ni Miho ang mga katagang “I’m pride of myself,” na pinag-usapan noon sa loob ng Bahay ni Kuya.

Nakausap ng PEP si Miho sa loob ng PBB House pagkatapos ng kanilang taping para sa It’s Showtime Online.

WHAT’S NEXT? Tuluy-tuloy na ba ang kaniyang pag-aartista?

Tugon ni Miho, “Oh, my God! Sobrang saya ko dahil natupad po yung isa sa mga pangarap ko na mag-artista, kilala ng buong-tao.

ADVERTISEMENT - CONTINUE READING BELOW

“Kasi, isipin niyo naman, bago kayo pumasok ng Bahay ni Kuya, parang normal na tao ka lang, tapos ngayon kilalang-kilala ka ng taong-bayan.

"Siyempre napa-proud ako sa sarili ko at sana maganda po itong ikadatingan ko.

"Ituluy-tuloy lang kung ano man yung darating sa aking trabaho."

Ano ang masasabi niya na walang kumuwestiyon sa kanyang pagkapanalo?

Saad ni Miho, "Actually, lahat naman po kami winner.

"Hindi naman po ako nakakaano, e, dahil lahat naman po kami meron pong personalidad.

"Lahat naman kami… basta lahat naman kami mabubuting tao.”

Asset bang matatawag yung pagiging ‘tanga-tanga’ niya sa pag-i-English?

Pagpapakatotoo niya, “English word, naku, ako talaga, wala akong kaalam-alam sa English na 'yan.

“Dahil dun po ako lumaki sa Japan, alam mo naman sa Japan, wala po talagang English-English.

"Talagang lumaki po akong Nihonggo, Japanese-only lang po.

“Pati po... Tagalog lamang sa bahay po namin.

"Lahat po ng kaibigan ko Japanese, kaya hindi po talaga ako nag-i-English, never.

"Ngayon lang po ako talaga nakarinig ng English na ganito kahaba, three months.

“Pero natutuwa rin po ako kasi natututo nang kaunti ng English. Kahit unti-unti lang yun.”


WE RECOMMEND


FROM THE SUMMIT MEDIA NETWORK


SPONSORED CONTENT


COMMENTS

Loading comments

THIS JUST IN