Naging malapit sa Pinay beauty queens na sina Miss World 2013 Megan Young at Miss Universe 2015 Pia Wurtzbach ang Miss Universe 2015 2nd runner-up na si Olivia Jordan.
Ito ay dahil parehong nakasama ni Olivia sina Megan at Pia sa mga naturang prestigious pageants: sa Miss World 2013 sa Indonesia kung saan napabilang sa Top 20 si Olivia at sa Miss Universe 2015 sa Las Vegas, Nevada, kung saan nagtapos naman siyang second runner-up.
Nitong nakaraang Sabado, April 16, dumating si Olivia sa bansa sa imbitasyon ni Pia upang maging hurado sa Binibining Pilipinas 2016 coronation night noong Linggo, April 17.
Read: Miss USA, Miss Malaysia, Miss Myanmar arrive in the Philippines to support Miss U 2015 Pia Wurtzbach
HAPPY TO SEE EACH OTHER. Kagabi, April 19, nagkita sina Megan at Olivia.
Base sa kani-kanilang Instagram posts, masasabing naging ‘pageants sisters’ na rin ang turingan ng dalawa.
Sabi ni Megan sa kanyang post: “So happy I got to see this doll last night! I'm so happy for all your achievements @theoliviajordan :) keep on spreading positivity where ever you go. Hope to see you soon!”
Nag-post din ng kaparehong larawan si Olivia pagkauwi nito sa New York ngayong araw, April 20.
Aniya, “Just landed back in NYC and I already want to go back to the #Philippines grateful for the experience and for the chance to catch up w/the gorgeous @meganbata happy for her and all the great work she is doing!!!!!”
Samantala, tila may separation anxiety pang nararamdaman si Olivia sa pag-alis niya ng Pilipinas.