Iniimbestigahan na raw ng ABS-CBN News ang insidenteng diumano'y kinasangkutan ng kanilang reporter na si Doris Bigornia sa Davao City.
Sa official statement na ipinadala ng ABS-CBN sa PEP.ph (Philippine Entertainment Portal) ngayong hapon, May 12, sinabi ritong nagbigay na ng kanyang panig ang tinagurian “Mutya ng Masa” tungkol sa diumano'y hindi magandang asal na ipinakita niya sa GMA News crew bago sila magbalita nang live para sa GMA 24 Oras Southern Mindanao.
Nakasaad din dito na nakipag-ugnayan na ang ABS-CBN sa GMA reporter na nag-post ng kanyang open letter para kay Doris.
Pahayag pa ng pamunuan ng ABS-CBN, “As we continue to investigate, we assure the public of our commitment to uphold the provisions of our Ethics and Standards Manual.”
Narito ang kabuuan ng official statement ng ABS-CBN:
“ABS-CBN News is investigating the incident involving journalist Doris Bigornia that was the subject of an open letter/complaint by a GMA reporter.
“Bigornia has given her side of the story and we are now evaluating the claims and counter-claims of the two reporters.
“We have also reached out to the GMA reporter to discuss the issue.
“As we continue to investigate, we assure the public of our commitment to uphold the provisions of our Ethics and Standards Manual.”