Ibinahagi ng Kapamilya TV host-actor na si Luis Manzano ang dalawang dahilan kung bakit siya sumailalim sa drug testing kamakailan at kung bakit niya ipinost sa social media ang resulta nito.
Read: Luis Manzano tested negative for illegal drugs
Ayon kay Luis, “Personal requirements ko sa PNP for firearms.
“Kaya ko pinost din is to show people na negative.
“Puwede ko namang hindi i-post, e, gusto ko lang na ganun.
“Lately, lahat ng spotlight, napupunta sa mga artists. Some people are condemning the industry.
“Sabi ko naman, imposible naman na walang kahit na anong industriya na walang hindi gumagamit.
“Mayroon at mayroon ‘yan, huwag tayong magpaipokrito naman.
“Whether be na opisina ka, whether it be na artista ka, whether it be na blogger ka or reporter ka or businessman ka, mayroon din namang ganyan.”
Diin niya, “Mayroong gumagamit, mayroong hindi, pero hindi lahat gumagamit.”
Sa ginawang pagpapa-drug test ni Luis, may ilang positibo ang naging pananaw rito.
Pero may ilan ding nagsabi na hindi naman daw credible ang ginawa ng TV host dahil madali raw mawala ang residue ng drugs kung titingnan ito sa dugo o ihi.
Pahayag niya, “Yes, I offer my blood and my hair.
“Sa blood kasi, puwedeng few weeks later, ang longest ay sa hair, ito 90 days.
“I can give your my hair right now.
“Sa PNP na ako pumunta, wala silang ibang hiningi sa akin kundi urine.
“Ang tanong dapat, kung may problema sila sa ginawa ko, bakit hindi sila pumunta sa PNP?
“Hindi naman ako pumunta sa kahit na anong clinic or anything accredited.
“PNP na yun, crime lab na yun.
“Yun lang ang hiningi sa akin, ginawa ko lang kung ano ang utos sa akin for my requirements.”
Aprubado naman kay Luis ang ginawa ng Star Magic kung saan sumailalim sa drug testing ang 40 sa mga talent nito.
Read: Enrique Gil, Jake Cuenca, Diego Loyzaga, other Star Magic artists volunteer to undergo drug testing
Aniya, “I saw it in news that they had their own independent testing.
“Sa kanila yun, I’m not sure kung ano ang ginawa nila.
“Pero kung ginawa ng Star Magic yun, good for Star Magic and their artists.”
Nakausap ng PEP.ph (Philippine Entertainment Portal) at Cinema News si Luis sa launching niya bilang bagong endorser ng Shakey’s Pizza kahapon, August 31.
THE LIST. Kamakailan ay may lumabas na ‘listahan’ ng mga artistang gumagamit diumano ng illegal drugs.
Kasama rito ang malalapit na kaibigan ni Luis na sina Anne Curtis, Billy Crawford, at Vice Ganda.
Read: Billy Crawford slams inclusion in 'list' of celebs using illegal drugs
Pahayag ng Minute To Win at Family Feud host tungkol dito, “I can easily come up with names, but what we need is evidence.
“Para sa akin kasi, minsan may gray area.
“What if, for example, kung nagbebenta, okay, medyo ibang usapan yun.
“Pero someone, kung let’s say for example gumamit for a few times, napariwara for a while, tapos bigla na lang na mababanggit siya.
“Masisira ang career niya, yung ginagawa niya, baka lalo siyang mag-drugs dahil masisira ang buhay niya; may gray area.
“Now, kung nagbebenta talaga, ibang usapan naman ito.
“Tapos may solid evidence, ibang usapan ito.
“Pero kung may tao lang nag-experiment, once or twice dahil dumaan lang sa isang yugto sa buhay, tapos bigla ngayon mahihila nang pababa, e, baka lalong masisira ang buhay.
“Baka yun ang maging pusher, maging dealer.”