Noong nauso ang paglabas ng mga sex video scandals ng ilan sa mga artista, isa sa mga nabiktima nito ay ang batang aktor na si Francis Magundayao.
Read: Francis Magundayao denies he's the one in yet another leaked video scandal
Naging isang palaisipan kung si Francis nga ba ang lumabas sa naturang sex video scandal o na-edit lang ito lalo’t hindi kinumpirma o itinanggi ng batang aktor ang tungkol sa isyu.
Sa interview ng PEP.ph (Philippine Entertainment Portal) at Cinema News kay Francis sa nakaraang set visit sa set ng Born For You kahapon, September 9, sa Benpres Bldg. sa Ortigas, aminado ang aktor na mayroon talagang lumabas na sex video pero iniiwasan na lang niyang isipin at paapekto pa rito.
Sabi niya, “Yes, mayroon, kasi it’s in the Internet.
“It’s right there, pero I guess my attitude right now is, maybe iniisip ko na lang, just be a smart person, just don’t think about it.
“Now naisip ko, if you’re really a smart or loving person, if you love someone, kahit 'di mo siya kilala, you shouldn’t just talk about it or ask if it’s real or not.
“Isipin mo yung pakiramdam ng tao.”
Agad na tinanong si Francis kung may ideya ba siya kung paano lumabas ang naturang video na ito, at kung inimbestigahan ba nila kung paano ito nangyari.
Dagdag niya, “I don’t know. I just don’t wanna talk about that, and to the guy kung sinuman ang gumawa nun, I don’t even know how it happened.
“All I just know is possibly may nagawa ako sa kanya, possibly he or she hates me.
“I don’t talk about it, I don’t even think about it. I just think that people will also not think about it.
“Kasi 'di naman sa akin lang nangyari yun, e.
“Nung nangyari yun, I don’t think about it. I actually pray for them, pray for their feelings. I just hope people will do the same to me.
“Investigate? I didn’t.”
Isa sa nakatulong nang malaki kay Francis para malagpasan ang naturang isyu ay ang buung-buong suporta at pagtitiwala na ibinigay sa kanya ng mga magulang.
Aniya, “Mas kinausap ko lang sila dun.
“Nabagabag lang ako, bakit nangyari ito?
“Are there really people that hate so much?
“Yun lang, ang sinabi nila, 'Yes, may ganun sa buhay.'
“Okey, yun na yun. E, di mahalin ko na lang, kasi kulang na nga ng pagmamahal sa mundo.
“E, di mahalin ko na lang kung sinuman siya.”
FORGIVE AND FORGET. Sa senstibo at mabigat na pinagdaanan ni Francis dahil sa nangyari, siniguro niya naman sa amin na napatawad na niya kung sinuman ang nasa likod ng pagpapakalat ng naturang sex video.
Lahad niya, “Minahal ko siya kung sinuman yung tao na yun.
“I love them. It’s hard to love, honestly, lalo na kung inaaaway ka nila.
“But I guess dun mo makikita kung evident talaga si Lord sa buhay mo.”
“I’m not a perfect person myself, ilang beses akong nagkasala sa parents ko and yet they still forgive me.
“Anong karapatan ko not to forgive other people?
“These things, maybe you could be thankful for these kind of things.
“This issue kasi, kaya mong mapakita na may Diyos na kaya mong magmahal kahit sa mga imposibleng mga situations.”
WILLING TO TAKE DRUG TEST. Kamakailan ay nagpalabas ng press statement ang Star Magic na 40 na artista nila kabilang na sina Enrique Gil, Jake Cuenca, at Diego Loyzaga, ang sumailaim sa drug test kung saan naging negatibo naman ang resulta ng mga ito. Tinanong namin si Francis kung kasama ba siya sa talents na ito ng Star Magic?
Pag-amin niya, “I don’t even know about that pero siguro kung ida-drug test ako I’ll be happy to have drug test.
“'Di ko nga alam, e.
“Nung sinabi sa akin, nangyari na.
“Sabi ko, 'May ganun? Bakit 'di ako tinawag?'
“I’m very much curious kung ano ang nangyayari dun.
“I wanna see kung ano ba talaga ang ibig sabihin ng drug test.
“I don’t even know what drugs look like.
“'Di ba minsan, sa TV, pinapakita, 30 million worth of shabu.
“'Yan na ang shabu? Sabi ko one time talaga, akala ko tawas. Siguro ganun lang ako kaignorante, it’s embarrassing.”