Todo-suporta pa rin si KC Concepcion sa beauty-queen journey ng kanyang kapatid sa ama na si Cloie Syquia Skarne.
Matapos ang pagsali niya sa Miss Universe Sweden 2016, babalik sa Pilipinas si Cloie para i-represent ang Sweden sa Miss Earth 2016.
Ayon kay KC, nandito na rin sa bansa ang mga magulang ni Cloie, na naghahanda na para sa beauty pageant sa susunod na buwan.
Nakuha raw ng kanyang kapatid ang ugaling Pilipino, kung saan sineseryoso ang pagsali sa beauty pageants.
Sabi ni KC, “In Sweden, parang less than 15 lang silang nag-compete.
“It's very different, kasi talagang ang mga Latino at mga Filipino ang nagte-take ng beauty pageants seriously.
“I think in Europe, it's different. It's not that prestigious.
“Pero siyempre, Filipina rin naman si Cloie, so alam niya ang value ng beauty pageant kaya kinarir ng kapatid ko yun.
“Kasi Pinay, e, alam niya yung how much we love yung mga beauty pageants, and talagang it changes lives, nakaka-proud.”
Nakausap ng PEP.ph (Philippine Entertainment Portal) at iba pang reporters si KC sa hinandang baby shower ng Aprica para kay Samantha Valenciano sa Le Jardin, W Building, Bonifacio Global City, noong Sabado, September 10.
Samantala, bilang suporta kay Cloie, hiningi raw ni KC ang tulong ni Jonas Gaffud ng Aces & Queens, kung saan nag-training si Miss Universe 2015 Pia Wurtzbach.
“I'm very thankful that he's also giving her tips.
“Kaya lang siyempre, na kay Cloie yun kung susundin niya yung best of the trainers sa buong mundo.
“Best sila ngayon because they made Miss Universe,” sabi ni KC.
Kahit daw si KC ay excited na matuto kung paano ang mga galaw ng isang lumalaban sa beauty pageants.
“Actually, excited lang ako to learn. Yung figure ko, hindi pang-beauty queen.
“So, sabi ko, I have to learn kung paano ba naglalakad ang mga beauty queen.”
Dagdag pa ni KC tungkol kay Cloie, “I'm very happy she's getting all the support she needs.
“She's a big girl na, she can decide what she wants in her career, the choices that she will make.
“I only will pray for the best. What's meant for her will be for her.”
Read: Cloie Syquia-Skarne excited to return to the Philippines for Miss Earth 2016