Hindi na iniiwasan ni Jeric Gonzales ang isyu ng kanyang alleged scandal video na kumalat noong January 2016.
Read: Jeric Gonzales involved in alleged video scandal
Sinagot niya ang lahat ng katanungan tungkol dito nang makapanayam siya ng PEP.ph (Philippine Entertainment Portal) sa presscon ng Oh My Mama!, na naganap sa GMA Network Center kagabi, September 13.
“Be careful na lang sa lahat ng actions,” sagot ni Jeric nang itanong sa kanya ang aral na natutunan niya mula sa kinasangkutang video scandal.
Dagdag pa ng Protege winner, “Hinayaan ko na lang na lumipas.
“Nandiyan na po, e, hindi ko na mapipigil, hinayaan ko na lang.”
Itinuturing ni Jeric na mapalad ang sarili dahil hindi siya nawawalan ng television assignment, kaya taus-puso ang pasasalamat niya sa kanyang mother network.
“Sobrang lucky ako naging Protege winner ako tapos binigyan nila ako ng projects,” sabi niya.
Satisfied naman daw siya sa takbo ng kanyang acting career, pero gusto niyang maging active sa music industry.
Ayon kay Jeric, “Sa music part, gusto ko talagang magkaroon ng album, gusto ko na mag-excel sa part na ‘yon.
“Medyo pigil pa pero naiintindihan ko dahil focus muna sa acting.
“Yung musical side ko, sayang, kasi I can play instruments, like guitar. First love ko talaga ang music.
“Ang alam ko, kinukuha ako ng Universal Records, kailangan lang ng release from GMA Records dahil under GMA Records ako.”