Noong September 15 ang ika-50 kaarawan ng namayapang box-office director na si Wenn Deramas.
Pumanaw si Direk Wenn dahil sa atake sa puso noong February 29, 2016.
Read: Box-office director Wenn Deramas dies after cardiac arrest
Bilang pag-alala sa kanyang kaarawan, nagdaos ng isang selebrasyon ang mga kaibigan at nakasama sa trabaho ni Direk Wenn kahapon, September 16.
Ilan sa kanila ay sina Vice Ganda, Pokwang, at John Lapus.
Sa Instagram post ni John, ibinahagi niya ang video na kuha sa selebrasyon.
Ang dalawang anak ng namayapang direktor ang nag-blow ng kandila sa kanyang birthday cake.
Sabi ni John sa caption: "Present naman halos lahat ng nagmamahal sa 'yo direk Wenn. Masaya! Mga anak mo ang nag-blow ng cake. Happy 50th birthday sa 'yo. Magpa-party ka ng bongga dyan sa langit. We miss you."
POKWANG MISSES WENN. Si Pokwang naman ay nag-post sa kanyang Instagram tungkol sa huling regalo na ibinigay ni Direk Wenn sa kanya.
Caption niya dito: "Last Christmas gift na natanggap ko kay Direk Wenn... I miss you, Direk.
"Kapag may pinagdaraanan akong emosyonal, ikaw ang unang nagti-text sa 'kin at magbibigay ng payo. Haaayyy i miss you na!!!
"Happy birthday, Direk! Pag-pray mo kami dyan lagi at ganon din kami dito para sa 'yo lagi kang kasama sa mga dasal ko."
GLADYS REYES. Si Gladys Reyes naman ay sumaglit pa sa puntod ni Direk Wenn habang naka-break sa taping ng isa niyang show.
Sabi ng aktres sa caption ng kanyang Instagram post: "After our first scene, took advantage of visiting Direk Wenn Deramas to greet him on his 50th with direk Neal, kuya @epyq and our cameramen, all of us not just worked with him but we had fond memories with direk Wenn as well."
Sa isa pa niyang post, binati ni Gladys ang yumaong direkrtor sa kanyang kaarawan.
"Happy 50th direk Wenn! - from your maldita and kontrabida daughter."