Kitang-kita ang kasiyahan sa mga mukha nina Mikee Cojuangco-Jaworski at Regine Velasquez-Alcasid nang magkita silang muli kamakailan.
Sa pamamagitan ng Instagram post, ibinahagi ni Mikee sa kanyang followers ang muling pagsasama nila ng kanyang “kumare” na si Regine.
Naging malapit na magkaibigan ang dalawa nang gawin nila ang hit movie na DoReMi noong 1996, kasama si Donna Cruz.
Sabi pa ni Mikee sa caption ng larawan nilang dalawa ni Regine: “So happy to see my dear friend in person after so long!”
Kaugnay nito, ilang followers ang naghayag ng kanilang panghihinayang dahil hindi nila nakasama si Donna.
Si Donna ay nakabase na ngayon sa Cebu matapos magpakasal kay Yong Larrazabal noong 1998.
Pero hindi naman nakalimutan nina Mikee at Regine si Donna.
Sa katunayan, sa isa pang larawan, naglaan sila ng espasyo para sa singer-actress.
Biro ni Mikee sa caption: “Doings, kahit wala ka nag-iwan kami ng space para sayo. Photoshop nalang natin. Hahahahaha!”
Dahil dito, muli na namang napatanong ang fans ng DoReMi: “Kailan kaya sila mabubo muli?”
Matatandaang noong Agosto ay nagkita sina Regine at Donna sa show ng Asia's Songbird sa Cebu para sa iniendorso nitong telecommunications company.
Read: Regine Velasquez and Donna Cruz reunite in Cebu
Nagsimula rin ang usap-usapang magkakaroon ng sequel ang kanilang sikat na pelikula.
Read: Will there be a sequel of Donna-Regine-Mikee movie DoReMi?